بلوچستان،جنوری 2024ءتک تمام  تارکین کو انکے وطن واپس بھیجنے کا ہدف مقرر

کوئٹہ (این این آئی)نگراں وزیرِ اطلاعات بلوچستان جان اچکزئی نے کہا ہے کہ جنوری 2024ءتک تمام تارکینِ وطن کو واپس بھجوانے کا ہدف رکھا گیا ہے۔نگرں وزیرِ اطلاعات بلوچستان کے مطابق چمن کے راستے اب تک 1 لاکھ 10 ہزار سے زائد غیر قانونی طور پر پاکستان میں مقیم تارکین اپنے وطن واپس جا چکے ہیں۔جان اچکزئی نے بتایا کہ ایران، عراق، بھارت، بنگلا دیش، نائیجیریا و دیگر ممالک سے تعلق رکھنے والے غیر قانونی طور پر مقیم افراد کو نکالا جا رہا ہے۔نگراں صوبائی وزیرِ اطلاعات نے کہا کہ نادرا کی ٹیمیں کام کر رہی ہیں، اب تک 1 لاکھ کارڈز بلاک ہو چکے ہیں۔انہوں نے کہا کہ غیر قانونی تارکین کی واپسی ہما ر ے قومی مفاد میں ہے، بہت سی سیاسی پارٹیاں اس قومی مہم کی مخالفت کر رہی ہیں۔جان اچکزئی نے کہا کہ سیاسی جماعتوں کا دباو_¿ کسی صورت قبول نہیں کریں گے، تمام غیر قانونی مقیم غیر ملکیوں کو واپس جانا ہو گا۔

بلوچستان ہدف