عام انتخابات کی تیاریاں،الیکشن کمیشن کا چاروں صوبوں میں ای ایم ایس کا کامیاب تجربہ

  عام انتخابات کی تیاریاں،الیکشن کمیشن کا چاروں صوبوں میں ای ایم ایس کا ...

  IOS Dailypakistan app Android Dailypakistan app

                                                            اسلام آباد (مانیٹرنگ ڈیسک ، نیوز ایجنسیاں) الیکشن کمیشن کی جانب سے عام انتخابات کی تیاریاں جاری ہیں جس کے سلسلے میں الیکشن کمیشن نے چاروں صوبوں میں ای ایم ایس کا کامیاب تجربہ کر لیا۔ذرائع کے مطابق الیکشن کمیشن نے مختلف اضلاع میں ریجنل الیکشن کمشنرز، ڈسٹرکٹ الیکشن کمشنرز کے دفاتر سے ای ایم ایس کا تجربہ کیا، ای ایم ایس سسٹم جدید تقاضوں کو مدنظر رکھتے ہوئے تیار کیا گیا ہے۔ای ایم ایس کے ذریعے نتائج انٹرنیٹ اور بغیر انٹرنیٹ کے بھی بھیجیں جاسکیں گے، پریذائیڈنگ افسران اپنے پولنگ سٹیشن کے نتائج ریٹرننگ افسران کو بھجوائیں گے، ریٹرننگ افسران رزلٹ تیار کر کے ڈیجیٹل اور مینوئل طریقے سے الیکشن کمیشن کو بھجوائے گا، ہر ریٹرننگ افسر کو چار چار ڈیٹا انٹری ا?پریٹرز دئیے جائیں گے۔الیکشن کمیشن نے ڈیٹا انٹری ا?پریٹرز کو ٹریننگ بھی دے دی ہے، الیکشن کمیشن اور نادرا کے درمیان سرور ہوسٹنگ کا معاہدہ بھی طے پا گیا۔ذرائع کے مطابق الیکشن کمیشن کے پاس ڈیٹا محفوظ کرنے کے لیے اپنا سرور ہی موجود نہیں، الیکشن کمیشن عام انتخابات کے لیے نادرا کے سرور کا سہارا لے گا، الیکشن کمیشن نادرا کے سرور ہوسٹنگ کی مد میں کرایہ ادا کرے گا۔دوسری طرف الیکشن کمیشن نے غیر ملکی مبصرین کے ویزے حصول کی درخواستوں میں ایک ماہ کی توسیع کردی۔ویزہ درخواستوں کی تاریخ میں توسیع کا فیصلہ الیکشن کمیشن کے اجلاس میں ہوا، الیکشن کمیشننے وزارت خارجہ کو مراسلہ ارسال کردیا۔سیکرٹری الیکشن کمیشن نے تمام متعلقہ وزراتوںکو ہدایات کردی،الیکشن کمیشن کے مطابق غیرملکی مبصرین 15 دسمبر تک ویزے کیلئے درخواستیں دے سکتے ہیں۔مبصرین کو وزارت خارجہ کے آن لائن پورٹل پر کوائف جمع کرانے ہوں گے۔

الیکشن کمیشن

  

مزید :

صفحہ اول -