مزید2959غیرقانونی افغان باشندے اپنے ملک واپس چلے گئے
طورخم (ڈیلی پاکستان آن لائن)غیر قانونی افغان باشندوں کی وطن واپسی کا سلسلہ جاری ہے،پاکستان نے ہمیشہ ایک ذمہ دار اور بہترین ہمسایہ ملک ہونے کا کردار ادا کیا جسکی دنیا میں کوئی مثال نہیں ملتی۔
تفصیلا ت کے مطابق پاکستان نے جس فراخدلی سے افغان باشندوں کو اپنے ملک میں پناہ دینے کے ساتھ ساتھ روزگار کے سارے مواقع مہیا کئے اس امر کو عالمی سطح پر سراہا گیا۔31 اکتوبر کی ڈیڈ لائن ختم ہونے کے بعد صرف غیر قانونی افغان باشندوں کا پاکستان سے محفوظ اور باعزت انخلاء یقینی بنایا گیا۔افغان باشندوں کی باعزت طریقے سے افغانستان واپسی کیلئے دیگر اقدامات کے علاوہ ان کی عارضی رہائش کے لئے مختلف اضلاع میں تمام سہولیات سے آراستہ ٹرانزٹ کیمپس قائم کئے گئے ہیں۔
چمن اور طورخم بارڈر پر روزانہ کی بنیاد پر ہزاروں افغان باشندے اپنے وطن واپس جا رہے ہیں اور پاکستان کی فراخدلی کا شکریہ ادا کر رہے ہیں۔غیر قانونی طور پر مقیم غیر ملکیوں کی ملک بدری سے ملکی معیشت پر مثبت اثرات مرتب ہو رہے ہیں۔18 نومبر کو 2959 غیر قانونی افغان باشندے اپنے ملک چلے گئے۔2959 افغان شہریوں میں 1092 مرد، 668 خواتین اور 1199 بچے اپنے ملک چلے گئے۔افغانستان روانگی کے لیے 236 گاڑیوں میں 472 خاندانوں کی اپنے وطن واپسی عمل میں لائی گئی ہے اب تک کل 235,821 غیر قانونی طور پر رہنے والے افغان باشندوں کی اپنے وطن واپسی ہوچکی ہے۔
Repatriation of Afghan individuals on 18 November 2023#RadioPakistan #News pic.twitter.com/7AHPD3HkBf
— Radio Pakistan (@RadioPakistan) November 19, 2023
