ضلعی انتظامیہ کوہاٹ کا بغیر پرمٹ گاڑیوں کیخلاف کریک ڈاؤن ،درجنوں کو جرمانہ

پشاور( سٹاف رپورٹر) ضلع انتظامیہ کوہاٹ نے پبلک ٹرانسپورٹ سے اضافی جنگلے ہٹانے اورغیراخلاقی لکھائی مٹانے کے علاوہ بغیرپرمٹ گاڑیوں کے خلاف مہم شروع کردی ہے اوراب تک درجنوں گاڑیوں کے خلاف کارروائی کی گئی ہیں۔تفصیلات کے مطابق ڈپٹی کمشنر کوہاٹ خالد الیاس کی ہدایت پر ایڈیشنل اسسٹنٹ کمشنرکوہاٹ صاحبزادہ سمیع اللہ نے ریجنل ٹرانسپورٹ اتھارٹی کے ارکان اورٹریفک اہلکاروں کے ہمراہ مختلف روٹس پر چلنے والی سوزوکیوں، رکشوں اوردیگر پبلک ٹرانسپورٹ سے اضافی جنگلے ہٹانے، غیر اخلاقی لکھائی مٹانے اوربغیر روٹ پرمٹ گاڑیوں کی مہم تیز کردی اور مین بنوں روٹ اور پشاور چوک میں گاڑیوں سے مذکورہ مواد ہٹانے کے ساتھ ساتھ بغیرروٹ پرمٹ گاڑیوں کوجرمانہ بھی کیا۔ایڈیشنل اسسٹنٹ کمشنرنے مہم کے دوران ڈرائیوروں کو متنبہ کیا کہ وہ اپنی گاڑیوں سے اضافی جنگلے ہٹانے سمیت شیشوں سے غیراخلاقی لکھائی بھی مٹائیں کیونکہ یہ اکثر حادثات کی سبب بنتے ہیں۔ انہوں نے کہا کہ یہ کارروائی بلاتعطل جاری رہے گی۔