”تمہاری ہمت کیسے ہوئی یہ کام کرنے کی۔۔۔؟“ احمد شہزاد بڑی مشکل میں پھنس گئے، ایسا کام کر دیا کہ پی سی بی شدید برہم ہو گیا
لاہور (ڈیلی پاکستان آن لائن) ڈوپنگ قوانین کی خلاف ورزی کے باعث پابندی کا شکار قومی کرکٹر احمد شہزاد ایک بار پھر مشکل میں پھنس گئی جنہیں شوکاز نوٹس جاری کرتے ہوئے 25 اکتوبر تک جواب طلب کر لیا ہے۔
تفصیلات کے مطابق پاکستان کرکٹ بورڈ(پی سی بی) نے ٹیسٹ کرکٹر احمد شہزاد پر 4 ماہ کی پابندی عائد کر رکھی ہے لیکن اس کے باوجود کرکٹر نے لاہور میں کلب کرکٹ کھیلی۔ پی سی بی نے احمد شہزاد کو اسی معاملے پر شوکاز نوٹس جاری کرتے ہوئے 25 اکتوبر تک جواب طلب کر لیا ہے۔
واضح رہے کہ پاکستان کپ کے دوران احمد شہزاد کا ڈوپ ٹیسٹ لیا گیا جو مثبت آیا تھا جس کے بعد پی سی بی نے 11 جولائی کو انہیں چارج کرکے معطل کر دیا تھا۔ٹیسٹ اوپنر احمد شہزاد کے ڈوپ سیمپل میں حشیش کی مقدار پائی گئی تھی۔
حشیش عام طورپر تفریحی نشہ کہلاتا ہے اور اس کا شمار قوت بخش ادویات میں نہیں ہوتا تاہم پاکستان کرکٹ بورڈ کی جانب سے احمد شہزاد پر پی سی بی اینٹی ڈوپنگ قوانین کی خلاف ورزی پر 4 ماہ پابندی عائد کی گئی تھی۔
