سکھا دیا ہے زمانے نے بے بصر رہنا| وزیر آغا |
سکھا دیا ہے زمانے نے بے بصر رہنا
خبر کی آنچ میں جل کر بھی بے خبر رہنا
تمام عمر ہی گزری ہے دستکیں سنتے
ہمیں تو راس نہ آیا خود اپنے گھر رہنا
عجیب طرزِ تکلم ہے اس کی آنکھوں کا
خموش رہ کے بھی لفظوں کی دھار پر رہنا
ذرا سی ٹھیس لگی اور گھر کو اوڑھ لیا
کہاں گیا وہ تمہارا نگر نگر رہنا
ورق ورق نہ سہی عمرِ رائگاں میری
ہوا کے ساتھ مگر تم نہ عمر بھر رہنا
شاعر: وزیر آغا
(شعری مجموعہ:غزلیں؛سالِ اشاعت،1990 )
Sikhaa Diya Hay Zamaanay Nay Be Basar Rehna
Khabar Ki Aanch Men Jall Kar Bhi Be Khabar Rehna
Tamaam Umr Hi Guzri Hay Dastaken Suntay
Hamen To Raas Na Aaya Khud Apnay Ghar Rehna
Ajeeb Tarz-e-Takalumm Hay Uss Ki Aankhon Ka
Khamosh Reh K Bhi Lafzon Ki Dhaar Par Rehna
Zaraa Si Thaiss Lagi Aor Ghar Ko Orrh Liya
Kahan Gaya Wo Tumhaara Nagar Nagar Rehna
Waraq Waraq Na Sahi Umr-e-Raaigaan Meri
Hawaa K Saath Magar Tum Na Umr Bhar Rehna
Poet: Wazir Agha