میں عاشقی میں تب سوں افسانہ ہو رہا ہوں| ولی دکنی |
میں عاشقی میں تب سوں افسانہ ہو رہا ہوں
تیری نگاہ کا جب سوں دیوانہ ہو رہا ہوں
باتاں لگن کی مت پوچھ اے شمعِ بزمِ خوبی
مدت سے تجھ جھلک کا پروانہ ہو رہا ہوں
سوداےَ زلفِ خوباں رکھتا ہوں دل میں دائم
زنجیر عاشقی کا دیوانہ ہو رہا ہوں
بر جا ہے گر سنوں نیئں ناصح تیری نصیحت
میں جامِ عاشقی پی، مستانہ ہو رہا ہوں
کس سوں ولی اُپس کا احوال جا کہوں میں
سر تا قدم میں غم سوں دیوانہ ہو رہا ہوں
شاعر: ولی دکنی
( شعری مجموعہ:انتخابِ ولی؛سالِ اشاعت1971)
Main Aashqi Men Tab Soon Afsaana Ho Raha Hun
Teri Nigaah Ka Jab Soon Dewaana Ho Raha Hun
Bataan Lagan Ki Mat Poochh Ay Shama-e-Bazm-e-Khoobi
Muddat Say Tujh Jhalak Ka Parwaana Ho Raha Hun
Saodaa-e-Zulf-e-Khoobaan Rakhta Hun Dil Men Daaim
Zangeer -e-Aashqi Ka Dewaana Ho Raha Hun
Barja Hay Gar Sunoon Naeen Naasaih Teri Naseehat
Main Jaam-e-Aashqi Pi Mastaana Ho Raha Hun
Kiss Soon WALI Ups Ka Ahwaal Ja Kahun
Sar Taa Qadam Main Gham Soon Dewaana Ho Raha Hun
Poet:Vali Deccani