اُس کی آواز پہ باہر نہیں آتا کوئی| کاشف حسین غائر |
اُس کی آواز پہ باہر نہیں آتا کوئی
اِس محلے میں گداگر نہیں آتا کوئی
جس سے ملیے وہ فرشتہ یا خدا ہوتا ہے
آدمی مجھ کو میسر نہیں آتا کوئی
جب کہ دیواریں بھی موجود ہیں، دروازے بھی
بات کیا ہے جو مرے گھر نہیں آتا کوئی
ہے وہی شہر کو ویرانہ بنانے والا
اور الزام اُسی پر نہیں آتا کوئی
چاند تارے ہوں ، پرندے ہوں کہ بادل غائر
تم نہیں آؤ تو چھت پر نہیں آتا کوئی
شاعر: کاشف حسین غائر
( کاشف حسین غائر کی وال سے)
ٗUss Ki Awaaz Pe Baahar Nahen Aata Koi
Iss Mahallay Men Gadaagar Nahen Aata Koi
Jiss Say Miliay Wo Farishta Ya Khuda Hota Hay
Aadmi Mujh Ko Muyassar Nahen Aata Koi
Jab Keh Dewaaren Bhi Maojood Hen , Darwaazay Bhi
Baat Kaya Hay Jo Miray Ghar Nahen Aata Koi
Hay Wahi Shehr Ko Veraana Banaanay Waala
Aor Ilzaam Usi Par Nahen Aata Koi
Chaand Taaray Hon , Parinday Hon Keh Baadal Ghayar
Tum Nahen Aao To Chhat Par Nahen Aata Koi
Poet: Kashif Hussain Ghayer