بھارت وادی میں انسانی حقوق کا احترام کرے، مسلسل لاک ڈاؤن درست اقدام نہیں، اقوام متحدہ نے مسئلہ کشمیر پر پھر ثالثی کی پیشکش کر دی

بھارت وادی میں انسانی حقوق کا احترام کرے، مسلسل لاک ڈاؤن درست اقدام نہیں، ...
بھارت وادی میں انسانی حقوق کا احترام کرے، مسلسل لاک ڈاؤن درست اقدام نہیں، اقوام متحدہ نے مسئلہ کشمیر پر پھر ثالثی کی پیشکش کر دی

  


نیویارک(ڈیلی پاکستان آن لائن) اقوام متحدہ نے مسئلہ کشمیر پر پھر ثالثی کی پیشکش کر دی۔ سیکریٹری جنرل انٹونیو گوتریس کا کہنا ہے کہ معاملات کے حل کیلئے دو طرفہ بات چیت نا گزیر ہے۔اقوام متحدہ کے سیکریٹری جنرل انٹونیو گوٹیریس نے بھارت سے مقبوضہ کشمیر میں انسانی حقوق کا احترام کرنے کا مطالبہ کرتے ہوئے کہا ہے کہ مسئلہ کشمیر کے حل کے لیے پاک بھارت مذاکرات انتہائی ضروری ہیں، فریقین قبول کریں تو اقوام متحدہ کردار ادا کرنے کے لیے تیار ہے۔سیکریٹری جنرل انٹونیو گوتریس نے کہا بھارت وادی میں انسانی حقوق کا احترام کرے، مسلسل لاک ڈاؤن درست اقدام نہیں، ہم صرف اپنی خدمات پیش کر سکتے ہیں، فریقین قبول کرلیں تو اس پر عمل کیا جاسکتا ہے۔انٹونیو گوتریس نے مزید کہا کہ دنیا کو کئی محاذوں پر تشویشناک لمحات کا سامنا ہے، ماحولیاتی ایمرجنسی، عدم مساوات، نفرت اور عدم برداشت کے مسائل درپیش ہیں، امن اور سیکیورٹی کی تشویشناک صورتحال بھی مسائل میں شامل ہے۔ ان کا کہنا تھا کہ حل تلاش کرنے کے لئے آنے والے اعلیٰ سطح اجلاس میں ان مسائل کا احاطہ کریں گے۔

مزید : اہم خبریں /بین الاقوامی


loading...