وہ پاکستانی جنہیں پی آئی اے نے مفت فضائی سفر کروانے کا اعلان کردیا

وہ پاکستانی جنہیں پی آئی اے نے مفت فضائی سفر کروانے کا اعلان کردیا
وہ پاکستانی جنہیں پی آئی اے نے مفت فضائی سفر کروانے کا اعلان کردیا

  

اسلام آباد ، کراچی (ڈیلی پاکستان آن لائن) پاکستان انٹرنیشنل ایئرلائن (پی آئی اے) 2 سال سے کم عمر کے  پاکستانیوں کو مفت سفر کروانے کا اعلان کردیا۔

تفصیلات کے مطابق پی آئی اے نے معصوم بچوں کے لیے سفر مفت کرنے کاا علان کردیا اور اپنی ایک ٹوئیٹ میں بتایا کہ  دو سال سے کم عمر بچے کے ہمراہ موجود والدین بچے کے 100 فیصد مفت سفر کی سہولت کا فائدہ اٹھا سکتے ہیں ، یہ بھی بتایا گیا ہے کہ پی آئی اے کی اس پیشکش کا اطلاق اکانومی اور ایگزیکٹو دونوں کلاسز پر ہوگا۔

پی آئی اے نے یہ بھی اعلان کیا ہے کہ نجف اور بغداد کے لیے اب براہ راست پروازیں بھی شروع کی جارہی ہیں اور سستے کرائے پر۔

یاد رہے کہ پی آئی اے کے کراچی میں طیارہ حادثے کے بعد متعلقہ وزیر نے دعویٰ کیاتھا کہ کئی پائلٹوں کے لائسنس جعلی ہیں جس کے بعد دنیا بھر میں کام کرنیوالے پاکستانی پائلٹوں کو مشکلات کا سامنا کرنا پڑا تھا اور پی آئی اے پر مسافروں کا اعتماد بھی کم ہوگیا تھا جس کی وجہ سے پی آئی اے کا کاروبار بھی شدید متاثرہوا، حکومتی مشینری نے گزشتہ دنوں اعتراف کیا تھا کہ پی آئی اے پر مسافروں کا اعتماد کم ہوگیا جس کی وجہ سے سرکاری ایئرلائن کے ساتھ سفر کے خواہشمندوں کی تعداد کم رہ گئی۔اب لوگوں کا اعتماد حاصل کرنے یا مسافروں کو اپنی طرف لانے کے لیے پی آئی اے مختلف قسم کے مراعاتی پیکجز لارہی ہے ۔ 

مزید :

قومی -بزنس -