انہیں نگاہ ہے اپنے جمال ہی کی طرف | اکبر الہٰ آبادی |
انہیں نگاہ ہے اپنے جمال ہی کی طرف
نظر اٹھا کے نہیں دیکھتے کسی کی طرف
توجہ اپنی ہو کیا فن شاعری کی طرف
نظر ہر ایک کی جاتی ہے عیب ہی کی طرف
لکھا ہوا ہے جو رونا مرے مقدر میں
خیال تک نہیں جاتا کبھی ہنسی کی طرف
تمہارا سایہ بھی جو لوگ دیکھ لیتے ہیں
وہ آنکھ اٹھا کے نہیں دیکھتے پری کی طرف
بلا میں پھنستا ہے دل مفت جان جاتی ہے
خدا کسی کو نہ لے جائے اس گلی کی طرف
کبھی جو ہوتی ہے تکرار غیر سے ہم سے
تو دل سے ہوتے ہو در پردہ تم اسی کی طرف
نگاہ پڑتی ہے ان پر تمام محفل کی
وہ آنکھ اٹھا کے نہیں دیکھتے کسی کی طرف
نگاہ اس بت خود بیں کی ہے مرے دل پر
نہ آئنہ کی طرف ہے نہ آرسی کی طرف
قبول کیجیئے للہ تحفۂ دل کو
نظر نہ کیجیئے اس کی شکستگی کی طرف
یہی نظر ہے جو اب قاتل زمانہ ہوئی
یہی نظر ہے کہ اٹھتی نہ تھی کسی کی طرف
غریب خانہ میں للٰلہ دو گھڑی بیٹھو
بہت دنوں میں تم آئے ہو اس گلی کی طرف
ذرا سی دیر ہی ہو جائے گی تو کیا ہوگا
گھڑی گھڑی نہ اٹھاؤ نظر گھڑی کی طرف
جو گھر میں پوچھے کوئی خوف کیا ہے کہہ دینا
چلے گئے تھے ٹہلتے ہوئے کسی کی طرف
ہزار جلوۂ حسن بتاں ہو اے اکبرؔ
تم اپنا دھیان لگائے رہو اسی کی طرف
شاعر: اکبر الہٰ آبادی
(کلیات اکبر الہٰ آبادی،حصہ اول )
Unhen Nigaah Hay Apnay Jamaal Hi Ki Taraf
Nazar Utha K Nahen Dekhtay Kisi Ki Taraf
Tawajja Apni Ho Kaya Fan-e- Shaayri Ki Taraf
Nazar Har Kisi Ki Jaati Hay Aib Hi Ki Taraf
Likha Hua Hay Jo Rona Miray Muqaddar Men
Kayaal Tak Nahen Jaata Kabhi Hansi Ki Taraf
Tunhaara Saaya Bhi Jo Log Dekh Laitay Hen
Wo Aankh Utha Kar Nahen Dekhtay Pari Ki Taraf
Balaa Men Phansta Hay Dil Muft Jaan Jaati Hay
Khuda Kisi Ko Na Lay Jaaey Uss Gali Ki Taraf
Kabhi Jo Hoti Hay Takraar Ghair Say Ham Ko
To Dil Say Hotay Ho Dar Parda Tum usi Ki Taraf
Nigaah Parrti Hay Un Par Tamaam Mehfill Ki
Wo Aankh Utha Kar Nahen Dekhtay Kisi Ki Taraf
Nigaah Uss But-e- Khud Been Ki Hay Miray Dil Par
Na Aaina Ki Taraf Hay Na Aarsi Ki Taraf
Qubool Kijiay Lillah Tohfa -e- Dil Ko
Nazar Na Kijiay Iss Ki Shakistagi Ki Taraf
Yahi Nazar Hay Jo Ab Qaatil -e- Zamana Hay
Yahi Nazar Thi Keh Jo Na Uthti Thi Kisis Ki Taraf
Ghareeb Khaana Men Lillah Do Gharrir Betho
Bahut Dino Men Tum Aaey Ho Iss Gali Ki Taraf
Zara Si Dair Hi Ho Jaaey Gi To Kaya Ho Ga
Gahrri Gharri Na Uthaao Nazar Gharri Ki Taraf
Jo Ghar Men Poochay Koi Khaof Kaya Hay Keh Dena
Chalay Gaey Thay Tahaltay Huay Kisi Ki Taraf
Hazaar Jalwa -e- Husn-e- Butaan Ho Ay AKBAR
Tum Apna Dhayaan Lagaaey Raho Usi Ki Taraf
Poet: Akbar Allahabadi