دورہ نیوزی لینڈ کی منسوخی، حقائق بے نقاب کرنے کی ضرورت 

نیوزی لینڈ کرکٹ ٹیم 18 سال کے طویل عرصہ کے بعد پاکستان کے دورہ پر آئی مگر افسوس آغاز سے عین وقت پر سیریز ملتوی کرنے کااعلان کردیا گیا جو پاکستان کرکٹ کے لئے کسی بھی لحاظ سے اچھا ثابت نہیں ہوگا اس سے قبل سری لنکن ٹیم پر حملہ کے وقت پاکستان میں انٹرنیشنل کرکٹ کو دھچکہ لگا تھا اب یہ پاکستان کی کرکٹ تاریخ میں دوسرا موقع ہے جب کیوی ٹیم کا دورہ ملتوی ہوا اور ایک مرتبہ دوبارہ پاکستان میں انٹرنیشنل کرکٹ کا انعقاد خطرہ میں پڑ گیا ہے بلاشبہ پاکستان کرکٹ بورڈ ملک میں انٹرنیشنل کرکٹ کی واپسی کے لئے کوشاں ہے اور یہ اسی محنت کا نتیجہ تھا کہ کیوی ٹیم نے دورہ پاکستان کی حامی بھری اور غیر ملکی سیکورٹی اہلکاروں نے پاکستان کو کھیلنے کے لئے کلیئرنس دی مگر اس کے باوجود یہ بات سمجھ سے باہر ہے کہ اس کے باوجود کیا وجہ ہے کہ کیوی ٹیم نے آخری وقت میں دورہ ہی کینسل کردیا پاکستان وزیر اعظم عمران خان کی یقین دہانی کے باوجود خالی میدانوں میں بھی کیوی ٹیم کھیلنے کے لئے آمادہ نہیں ہوئی شاید یہ کرکٹ کی تاریخ کا پہلا واقعہ ہوگا جب ایسا ہوا ہے اور کسی ملک کے وزیر اعظم نے خود اس طرح سے کسی ملک کے وزیر اعظم کو یقین دہانی کروائی ہو اور اس بات کی گارنٹی دی ہو کہ کھلاڑیوں کو کوئی خطرہ نہیں ہے ان کو اپنا دورہ جاری رکھنا چایئے جو بھی ہوا اس کے پیچھے جو بھی اسباب مگر پاکستان کرکٹ کو جو نقصان ہوا اس کا ازالہ شائد کبھی بھی نہ ہوسکے پاک نیوزی لینڈ سیریز نہ ہونے سے پاکستان کرکٹ بورڈ کو اربوں روپے کا نقصان برداشت کرنا پڑا ہے اور پوری دنیا میں جو جگ ہنسائی ہوئی ہے

وہ الگ ہے اب ضرورت ہے آگے بڑھنے کی اور اس حوالے سے اصل اسباب منظر عام پر لانے کی اور اس کے لئے اب پاکستان کرکٹ بورڈ کو اپنا بھرپور اثر و رسوخ استعمال کرنے کی ضرورت ہے اس حوالے سے پاکستان کرکٹ بورڈ کے چیئرمین رمیز راجہ نے اس عزم کا اعادہ تو کیا ہے کہ اس کو آئی سی سی فورم پر اٹھایا جائے گا دوسری جانب پاکستان کی حکومت نے بھی اس حوالے سے اپنا بھرپور کردار اداکرنے کی حامی بھری ہے مگر شائد اس کا کوئی نتیجہ نہ نکل سکے جیسے کہ ماضی میں بھی کئی مرتبہ اس قسم کے واقعات ہوچکے ہیں جب پاکستان نے اپنی جانب سے تو بھرپور کوشش کی مگر آئی سی سی کی جانب سے اس پر کوئی موثر کاروائی عمل میں نہیں لائی جاسکی مگر یہ معمولی بات نہیں ہے اس سے پاکستان کو جو نقصان ہوا ہے وہ پورا کرنا اب آئی سی سی کا کام ہے اور اس حوالے سے تحقیقات بھی کرے کہ نیوزی لینڈ کی ٹیم نے پاکستان کادورہ کیوں منسوخ کیا ہے تاکہ مستقبل میں اس قسم کا کوئی واقعہ پیش نہ آسکے انگلینڈ کی ٹیم نے اکتوبر میں پاکستان کھیلنے کے لئے آنا اب اور اس اس کا دورہ بھی خطرہ میں پڑ گیا ہے اس کے علاوہ دیگر غیر ملکی ٹیموں نے بھی پاکستان کا دورہ کرنا ہے اب ان کا مستقبل کیا ہوگا یہ تو آنے والا وقت ہی ثابت کرے گا مگر پاکستان کرکٹ بورڈ کو کیوی حکومت کے اس اقدام پر بھرپور احتجاج ریکادڈ کروانے کی ضرورت ہے اوراسی طرح سے حکومت پاکستان کو بھی اپنا بھرپو ر کردار ادا کرتے ہوئے دورہ کی منسوخی کے پیچھے جس کسی بھی سازش ہے اس کو بے نقاب کرنے کی ضرورت ہے تاکہ شائقین کرکٹ میں پائی جانے والی بے چینی کا خاتمہ ہوسکے کیوی کرکٹ ٹیم کے دورہ پاکستان  کی منسوخی سے پوری قوم صدمہ میں ہے۔