حکومت نے پٹرول مہنگا کر کے روٹی کا نوالہ چھین لیا،ضیاءالدین انصاری
لاہور (پ ر) امیر جماعت اسلامی لاہور ضیاءالدین انصاری ایڈوکیٹ نے کہا ہے کہ حکومت نے 26 روپے پیٹرول مہنگا کرکے غربیوں سے روٹی کا نوالہ چھین لیا ہے۔پیڑول مہنگا ہونے سے اشیاءضروریہ کی قیمتوں میں اضافہ نے لوگوں کو خون کے آنسوں رونے پر مجبور کردیا ہے۔پیٹرول اور بجلی کی قیمتوں میں اضافہ سے اشیائے خوردونوش کی قیمتیں کئی گنا بڑ ھ چکی ہیں۔بجلی اور پیڑول کی قیمتوں میں ظالمانہ اضافے نے مہنگائی کا طوفان برپا کردیا ہے ۔ مہنگی بجلی، پیٹرول کی قیمتوں میں بے تحاشا اضافہ اور جان لیوامہنگائی کیخلاف اہلیان لاہور 21 ستمبر کو احتجاجی دھرنا میں شرکت کریںان خیالات کا اظہار انہوں نے گورنر ہاv,س کے باہر تین روزہ احتجاجی دھرنا کی تیاریوں کے سلسلے میں، گجومتہ، قینچی بازار، وحدت کالونی اتوار بازار سمیت شہر بھر مختلف علاقوں کے دورے کے موقع پر شہریوں اور میڈیا سے گفتگو کرتے ہوئے کیا۔ امیر لاہور نے دوکانداروں، ریڑھی بانوں، تاجروں، سیاسی و سماجی رہنماو¿ں ملاقاتیں اور 21 ستمبر کو گورنر ہاو¿س کے باہر احتجاجی دھرنے میں شرکت کی دعوت دی۔ اس موقع پر ان کے ہمراہ امراء اضلاع،ڈاکٹر محمود خان، اظہر بلال، سیکرٹری سیکرٹری کمیٹی جماعت اسلامی لاہور عامر نثار خان،، امیدوار پی پی 168 احمد سلمان بلوچ ، امیدوار صوبائی اسمبلی پی پی 159 حافظ لئیق، امید وار صوبائی اسمبلی پی پی 159 حاجی محمد اعجاز اور کارکنا ن و ذمہ داران بڑی تعداد میں موجوتھے۔
