پی آئی اے شیڈول معمول پر نہ آسکا ، اندرون ملک 4پروازیں منسوخ ، متعدد تاخیر کا شکار
لاہور، کراچی(نےوز رپورٹر، این این آئی) پی آئی اے کا شیڈول معمول پر نہ آسکا،پیر کے روز بھی پی آئی اے کی چار پروازیں منسوخ جبکہ متعدد پروازیں تاخیر کا شکار رہیں سول ایوی ایشن اتھارٹی کے شیڈول کے مطابق کراچی سے رحیم یار خان کے لئے اپ اینڈ ڈان کی دو پروازیں پی کے 582اور پی کے 583منسوخ کر دی گئیں، اسلام آباد سے گلگت کیلئے روانگی اور آمد کی دو پروازیں پی کے 601اور پی کے 602منسوخ کی گئیں کراچی سے سکھر کی پرواز پی کے 536کی روانگی میں ایک گھنٹہ تاخیر ،کراچی سے پشاور کی پرواز پی کے 350مقررہ وقت سے ایک گھنٹہ پہلے روانہ ہوئی ۔ٹورنٹو سے پرواز پی کے 784کی روانگی میں 3گھنٹے سے زائد کی تاخیر ہوئی، لاہور سے جدہ کی پرواز پی کے 741کی روانگی میں 37منٹ کی تاخیر ہوئی جبکہ لاہور سے شارجہ کے لئے پی کے 185 نصف گھنٹہ تاخیر سے روانہ ہوئی۔جدہ سے سیالکوٹ کے لئے پی کے 746غیر معمولی تاخیر کا شکار ہوئی اور پشاور سے العین کے لئے پی کے 255کی روانگی میں 6گھنٹے سے زائد کی تاخیر ہوئی، اسلام آباد سے دبئی کے لئے پرواز پی کے 233کی روانگی میں 7گھنٹے کی تاخیر ہوئی جبکہ اسلام آباد سے ابوظہبی کے لئے پرواز پی کے 261کی روانگی میں 35 منٹ کی تاخیر ہوئی ۔
پروازیں
