ٹی ٹین لیگ، میچ فکسنگ کے الزام میں کھلاڑیوں سمیت 10 ملزمان معطل
دبئی (ڈیلی پاکستان آن لائن) انٹرنیشنل کرکٹ کونسل نے ٹی10 لیگ کے دوران میچ فکسنگ کے الزام میں کھلاڑیوں سمیت 8 افراد کو معطل کردیا ہے۔
آئی سی سی حکام کاکہنا ہے کہ معطل کے جانیوالے افراد نے 2021 میں ابوظہبی ٹی ٹین لیگ میں میچز فکس کرنے کی کوشش کی تھی۔ ملزمان میں بنگلہ دیش کے سابق انٹرنیشنل کرکٹر ناصر حسین، ڈومیسٹک کرکٹر رضوان جاوید اور سالیہ سمان، بیٹنگ کوچ اشعر زیدی، اسسٹنٹ کوچ سنی ڈھلوں، ٹیم منیجر شاداب احمد، ٹیم کے شریک مالکان کرشن کمار اور پراگ سنگھوی شامل ہیں۔ آئی سی سی کے مطابق ایک بیٹنگ کوچ پر میچ فکس کرنے کی کوششوں کا الزام عائد کیا گیا ہے جبکہ کھلاڑیوں پر الزام لگایا گیا ہے کہ وہ فکسنگ کی کوششوں کا حصہ بننے کے لیے ساتھی کھلاڑیوں کو انعامات پیش کرتے تھے۔ ٹیم کے مالک نے میچوں کے نتائج پر شرطیں لگائیں۔آئی سی سی نے کہا ہے کہ چھ ملزمان کو عارضی طور پر معطل کردیا گیا ہے اور الزامات کا جواب دینے کے لیے 14 دن کا وقت دیا گیا ہے بصورت دیگر انہیں تاحیات پابندی کی سزا بھی دی جاسکتی ہے۔
