ابھی مٹھائی بانٹ رہے ہیں کچھ دیر بعد شام غریباں ہوگی،شیخ رشیدکا پانامہ فیصلے پر پہلا ردعمل
اسلام آباد(ڈیلی پاکستان آن لائن)پانامہ کیس کے فیصلے کے بعد شیخ رشید نے پہلا رد عمل دیتے ہوئے کہا ہے کہ ابھی مٹھائیاں بانٹ رہے ہیں،کچھ دیر بعد شام غریباں ہوگی۔
تفصیلات کے مطابق نجی ٹی وی سماء سے گفتگو کرتے ہوئے شیخ رشید نے رد عمل دیا کہ حکومت کا ستیاناس ہوگیا ہے اور حکومت کے لوگ ابھی مٹھائی بانٹ رہے ہیں تو کچھ دیر بعد شام غریباں ہوگی۔واضح رہے کہ سپریم کورٹ نے پانامہ کیس کا فیصلہ سناتے ہوئے مزید تحقیقات کیلئے جے آئی ٹی تشکیل دینے کا حکم دیا ہے جو کہ 60 روز کے اندر تحقیقات مکمل کرے گی۔