”ساری عورتوں کو ہراسگی کا سامنا کرنا پڑتا ہے مگر۔۔۔ “ میشا شفیع کے الزامات کے بعد نوجوان اینکر عائشہ یوسف نے بڑے راز سے پردہ اٹھادیا، خواتین کے دل کی بات کہہ دی
لاہور (ڈیلی پاکستان آن لائن) گلوکارہ میشا شفیع کے علی ظفر پر ہراسگی کے الزام کے بعد سوشل میڈیا پر ایک بحث چھڑ گئی ہے جس کا حصہ بنتے ہوئے نوجوان اینکر عائشہ یوسف نے کہا ہے کہ ساری عورتوں کو اپنی زندگی میں ہراسگی کا سامنا کرنا پڑتا ہے لیکن اس کے خلاف بولنے کی ہمت کوئی نہیں کرتا، ہمیں اس بات پر میشا شفیع کی حمایت کرنی چاہیے کہ انہوں نے جنسی ہراسگی کے خلاف آواز اٹھائی۔
میشا شفیع کی جانب سے گلوکار علی ظفر پر جنسی ہراسگی کے الزام کے بعد سوشل میڈیا پر کوئی گلوکارہ کی حمایت کر رہا ہے تو کوئی علی ظفر کو بے گناہ ثابت کرنے کی کوششوں میں مصروف ہے ، ایسے میں 92 نیوز کی اینکر عائشہ یوسف بھی میدان میں آگئیں۔ انہوں نے ٹوئٹر پر اپنے ایک پیغام میں کہا ” بطور خاتون میں سمجھتی ہوں کہ ہمیں میشا شفیع کی حمایت کرنی چاہیے کیونکہ میں نہیں سمجھتی کہ گلوکارہ ایسا سنگین الزام صرف شہرت حاصل کرنے کیلئے لگائے گئی۔ دوسری بات ہم میں سے کتنے لوگ ایسے ہیں جن میں اس ہراسگی کے خلاف بولنے کی ہمت ہے جس کا ہم اپنی زندگی میں سامنا کرتے ہیں“۔
Well i think being a women we should support @itsmeeshashafi ,i dnt think she would do it for fame, secondly how many of us have the courage to speak up about harrasment we faced in out lives #respect #MeeshaShafi #AliZafar
— Aisha Yousaf (@AyeshaViews) April 19, 2018
سعد محبوب نامی ایک صارف نے عائشہ یوسف کے موقف پر اعتراض اٹھایا اور کہا کہ جب تک ثبوت نہیں آجاتے ہم اس پوزیشن میں نہیں کہ کسی کی طرفداری کریں یا کسی کو جج کرتے پھریں۔ جو ہم کرسکتے ہیں وہ یہی ہے کہ معاملے کی تحقیقات ہونے دیں اور عدالت کو فیصلہ کرنے دیں۔
Thats what i m saying. We are not in a position to take sides and judge anybody as we dont have any proof. All we can do is make sure this issue go though proper investigation and prosecution. And the culprit is dealt with LAW even if the accusation turns out to be false. Agree?
— Saad Mehboob (@SaadMehboob1) April 19, 2018
عائشہ یوسف نے سعد محبوب کو جواب دیا کہ انہوں نے اپنے ٹویٹ میں ان خواتین کو مخاطب کیا جو صرف سلیبریٹی ہونے کی بنا پر میشا شفیع کو تنقید کا نشانہ بنا رہی ہیں۔ ’ دنیا کی ہر خاتون اپنی زندگی میں کسی نہ کسی طرح ہراسگی کا سامنا کرتی ہے ، اس لیے ہمیں چیزوں کو سامنے آنے دینا چاہیے جس کے بعد ہم کسی پر صحیح یا غلط ہونے کا الزام لگاسکیں گے‘۔
I said the same
— Aisha Yousaf (@AyeshaViews) April 19, 2018
And just asked women to not accuse a woman just bcz she is a celebrity.
Every single woman face harrasment in her life at some point so lets just things come out thn we can blame who is wrong and who’s right https://t.co/AQwx73UYHU