ایشیاای یونیورسٹی ملائیشیا کے لاہورسنٹر کی افتتاحی تقریب
لاہور(پ ر)لاہور میں بین الاقوامی Asia e University Malaysia کے لاہور سنٹر کی افتتاحی تقریب منعقد ہوئی۔تقریب کے شرکاء میں مہمانِ خصوصی ملائیشین ہائی کمشنر اکرام بن محمد ابراھیم‘ڈیفنس ایڈوائزر ملائیشن ہائی کمیشن ابو ھاشم جمال الدین‘ فرسٹ سیکرٹری ملائیشن ہائی کمیشن محمد سیاول آرس‘محمد شرمن رضال بن رستم‘حمدان بن عبداللہ‘کینگ شونگ جن ثواندی بن لدن‘،ڈاکٹر عمر مسعود‘پروفیسر محمد مقبول‘ہاشم سلطان پروفیسر عبدالستار‘جواد بِن شبیر، سجاد احمد چیمہ‘ڈاکٹر یاسین،میاں وحید زمان صدر لاہورمیٹروپولیٹن کارپوریشن‘ ممتاز صحافی مجیب الرحمن شامی اور عبدالقدیر اعوان ایم پی اے نے بھی شرکت کی۔ اس موقع پر نوجوان طلباء اور مختلف تعلیمی اداروں کے ممبران سمیت ہر شعبہ ہائے زندگی سے تعلق رکھنے والے افراد نے بھی شرکت کی۔ تقریب سے خطاب کرتے ہوئے ڈاکٹر عمر مسعود نے کہا کہ ملائیشیا پاکستان میں میعاری تعلیم کے فروغ کیلئے ہر ممکن تعاون کر رہا ہے اور OM International پاکستان میں Asia e University Malaysia کی نمائندگی کرتا ہے اور پاکستان کے وہ طلباء جویونیورسٹی میں پڑھائی کے خواہشمند ہیں انکو یونیورسٹی میں داخلہ کیلئے ہر طرح کی تعلیمی اور تکنیکی معاونت فراہم کرتا ہے۔ ان کا مزید کہنا تھا کہ او ایم انٹرنیشنل پاکستان میں Asia e University Malaysia کے آن لائن مضامین میں داخلہ کیلئے پاکستان ہائیر ایجوکیشن کمیشن سے منظور شدہ ادارہ ہے۔
تقریب میں موجود شرکاء نے اس امر سے اتفاق کیا کہ یونیورسٹی کے لاہور سنٹر کے سنگ بنیاد سے ملائیشین یونیورسٹی کی آن لائن ڈگری کی بدولت پاکستانی طالب علم جدید دور کے تعلیمی تقاضوں کے تحت بزنس ایڈمنسٹریشن، مینجمنٹ سائنسز، کمپیوٹر سائنسز اور میڈیا سٹڈیز کی ڈگریاں حاصل کر سکیں گے۔
