ایشیائی ترقیاتی بینک نے پاکستان کیلئے مزید ڈھائی کروڑ ڈالر قرض کی منظوری دیدی 

اسلام آباد( سٹاف رپورٹر ) ایشیائی ترقیاتی بینک پاکستان کو مزید ڈھائی کروڑ ڈالر کا قرضہ فراہم کرے گا ، قرضے کا مقصد پاکستانی خواتین کے چھوٹے کاروبار کےلئے سرمائے کی فراہمی ممکن بنانا ہے۔تفصیلات کے مطابق ایشیائی ترقیاتی بینک نے پاکستان کےلئے مزید ڈھائی کروڑ ڈالر کی قرض کی منظوری دے دی گئی ، بینک کی جانب سے جاری اعلامیہ میں کہا گیا ہے کہ یہ رقم ایس ایم ای سیکٹر کے لئے دی جائےگی، رقم کا مقصد پاکستانی خواتین کے چھوٹے کاروبار کےلئے سرمائے کی فراہمی ممکن بناناہے۔بینک کا کہنا ہے کہ پاکستانی معیشت کے لئے خواتین کی سرمائے تک رسائی بہت اہم ہے، پاکستانی معیشت کے لئے ایک مجموعی معاشی نظام انتہائی اہم ہے۔دوسری جانب ایشیائی ترقیاتی بینک نے پاکستان کےلئے پروگرام بیسڈ فنانسنگ کا آغاز کردیاہے، یہ عمل دوسال سے رکاہوا تھا۔
 ایشیائی ترقیاتی بینک