آئی جی پنجاب نے متعدد افسران کے تقرروتبادلے کر دیئے

لاہور(کرائم رپورٹر) آئی جی پنجاب نے متعدد پولیس افسران کے تقرروتبادلے کر دیئے۔ اختر فاروق کو ڈی پی او میانوالی، سید ندیم عباس کو ڈی پی او ننکانہ صاحب، کیپٹن(ر) بلال افتخار ڈی پی او جھنگ، محمد راشد کو ڈی پی او اوکاڑہ، آصف امین اعوان کو ڈی پی او مری، محمد طارق عزیز کو ایڈیشنل ڈائریکٹر ایڈمنسٹریشن ایس پی یو پنجاب لاہور، زنیرہ اظفر کو ایس ایس پی سپیشل برانچ راولپنڈی، صبا ستار کو ایس ایس پی انویسٹی گیشن راولپنڈی، سعید عزیز کو ایس پی ٹیکنیکل ٹیلی کمیونیکیشن پنجاب لاہور، محمد معاذ ظفر ایس پی سپیشل برانچ لاہور، حسام بن اقبال ایس پی انٹیلیجنس سپیشل برانچ پنجاب لاہور، مغیث احمد ہاشمی چیف ٹریفک آفیسر مری، اویس علی ایس ڈی پی او مری اور ارشد محمود سی پی او پنجاب لاہور اورمحمد وقار عظیم ایس ڈی پی او گلبرگ فیصل آباد تعینات کر دیا گیا۔