پارلیمنٹ ہاؤس میں چوہے ہی چوہے، شکاری بلیو ں کی خدمات لینے کافیصلہ
اسلام آباد(این این آئی)پارلیمنٹ ہاؤس میں چوہوں کی بھرمار کے معاملے پر سی ڈی اے نے شکاری بلیوں کی خدمات لینے کا فیصلہ کر لیا۔ذرائع کے مطابق پارلیمنٹ ہاؤس میں چوہوں پکڑنے کیلئے 12 لاکھ روپے کا بجٹ مختص کیا گیا ہے۔ ذرائع کے مطابق چوہے کھانے والی شکاری بلیوں کی خدمات لی جائینگی، چوہے پکڑنے کیلئے جالی لگی خصوصی کڑکیاں بھی لگائی جائیں گی۔پارلیمنٹ ہاؤس کی چھتوں کی سیلنگ کی وجہ سے چوہوں کی بھرمار ہے،چوہے سینیٹ اور قومی اسمبلی کے مختلف شعبوں میں نقصان پہنچا رہے ہیں۔ذرائع کے مطابق چوہوں نے پارلیمنٹ کے کئی دفاتر میں فائلیں بھی کتر دیں۔اس حوالے سے ترجمان قومی اسمبلی نے کہا چوہوں کے خاتمے کیلئے کارروائی سی ڈی اے کریگا،جبکہ سی ڈی اے چوہے پکڑنے کیلئے نجی شعبے کی بھی خدمات حاصل کریگا۔
پارلیمنٹ چوہے