نوازشریف کو سزا ہو گی فیض حمید نے فیصلے سے پہلے بتا دیا تھا‘جسٹس (ر)شوکت صدیقی 

 نوازشریف کو سزا ہو گی فیض حمید نے فیصلے سے پہلے بتا دیا تھا‘جسٹس (ر)شوکت ...

  IOS Dailypakistan app Android Dailypakistan app

  اسلام آباد (آئی این پی)جسٹس ریٹائرڈ شوکت عزیز صدیقی نے دعویٰ کیا ہے کہ سابق ڈی جی آئی ایس آئی لیفٹیننٹ جنرل(ر) فیض حمید نے فیصلے سے پہلے یہ بتا دیا تھا کہ نوازشریف کو سزا ہو گی۔ نجی ٹی وی کے پروگرام میں گفتگو کرتے ہوئے اسلام آباد ہائیکورٹ کے سابق سینئر جج نے نوازشریف اور فیض حمید سے متعلق اہم انکشافات کیے۔انہوں نے کہا کہ فیض حمید میرے پاس گھر آئے اور کہا نواز اور مریم نواز کا کیس آپ کے پاس آئے تو آپ کیا کرینگے؟ جس پر میں نے کہا میں عاقبت خراب نہیں کر سکتا تو پھر( فیض حمید) کا کہناتھا کہ پھر تو ہماری دو سال کی محنت ضائع ہو جائیگی۔جسٹس ریٹائرڈ شوکت عزیز کے بقول چند دن بعد وہ پھر آئے اور کہا آپ کے پاس جلدی آتا لیکن کراچی ایم کیوایم کے اسکرو ٹائٹ کرنے گیاتھا میرے باس باجوہ صاحب کہہ رہے ہیں تم سے ایک جج قابو نہیں ہو سکتا، مجھے قائم مقام چیف جسٹس بنانے کی پیش کش کی، میں نے وہ بھی ٹھکرا دی۔

شوکت صدیقی 

مزید :

صفحہ اول -