خیبرپختونخوا میں ساری لڑائی کرپشن میں حصہ پر ہے، امیر مقام
اسلام آباد (آن لائن) وفاقی وزیر امور کشمیر و سیفران امیر مقام نے کہا ہے کہ خیبرپختونخوا میں ساری لڑائی کرپشن میں حصہ لینے پر ہے۔ انکو باقی صوبوں سے سیکھنا چاہیے، مریم نواز کی کارکردگی حیران کن ہے،دہشتگردی کیخلاف جنگ میں ملک کو نقصان پہنچا۔میڈیا سے گفتگو کرتے ہوئے کہا کہ پنجاب میں لوگوں کو بجلی پر پینتالیس ارب روپے کاریلیف دیاگیا ہے مریم نواز صبح سے شام تک عوام کو ریلیف دینے کیلئے اقدامات کر رہی ہے بلوچستان کے وزیر اعلیٰ نے ستائیس ہزار ٹیوب ویلز کا مسئلہ حل کیا۔ اس حوالے وزیر اعلیٰ بلوچستان نے وفاق کیساتھ معاہدہ کیا۔سندھ کا وزیر اعلیٰ سیلاب متاثرین کو گھر دینے کیلئے کام کررہا ہے دوسری طرف خیبرپختونخوا میں الگ ہی ماڈل ہے کرپشن کے معاملے پر عجیب قسم کی کمیٹی بنائی ہے مانیٹرنگ تو تھرڈ پارٹی کرتی ہے آپ خود اس میں شامل ہیں احتساب کمیشن کو بڑا تالا لگا کر بند کیا گیا ہے،لوگوں کو بے وقوف بنانے کی ایک حد ہوتی ہے ان سے کب تک کھیلیں گے،آپ کی توجہ عوامی مسائل کی طرف نہیں، آپ پشاور اور پنجاب میں ہی روٹی کی قیمتوں کو موازنہ کرلیں۔اس صوبے کے پاس سکینڈلز کے علاوہ اور کوئی کام نہیں جنگلات کو بے دردی سے کاٹا گیا، گندم سکینڈل ہے، معدنیات کا سکینڈلز سامنے آیا، یونیورسٹیز کے گراؤنڈز تک بیچے جارہے ہیں،پی ٹی آئی نے کرپشن کو قانونی کردیاہے کسی کو گرفتار ہونے کا خوف نہیں ہے۔ انہوں نے سوال کیا کرپشن پر لڑنے کے بعد اب کیا جواز رہ گیا ہے عوام نے آپ کو مینڈیٹ دیا لیکن آپ نے ظلم کیا۔ دہشتگردی کیخلاف کے پی کے سمیت پورے ملک نے بیشمار قربانیاں دیں اس جنگ سے ملک کو نقصان پہنچا۔
امیر مقام