بلوچستان میں سیلابی ریلے سے فیملی کو بچانے والے بہادر ایکسکیویٹر ڈرائیور کیلئے نقد انعام کا اعلان

کوئٹہ (ویب ڈیسک) بلوچستان کے ضلع قلعہ عبداللہ کی کولک ندی سے گزرتے سیلابی ریلے میں پھنسی گاڑی میں سوار خواتین اور بچے سمیت سات افراد کو مقامی ایکسکیویٹر ڈرائیور نے اپنی جان پر کھیل کر بچا لیا۔وزیراعلیٰ بلوچستان میر سرفراز بگٹی نے فیملی کو بچانے پر ایکسیوٹر ڈرائیور کے لیے نقد انعام کا اعلان کیا ہے۔

آج نیوز کے مطابق بہادر ڈرائیور محب اللہ نے بتایا کہ ایک گاڑی جس میں خاتون اور بچے سوار تھے وہ سیلابی پانی میں پھنس گئی تھی، میں نے لوگوں سے پھنسے ہوئے لوگوں کو نکالنے کی کوشش کرنے کو کہا تو لوگوں نے کہا کہ ایسا نہ ہو کہ ہماری گاڑی بھی پھنس جائے، جس کے بعد میں جلدی سے بھاگا اور کسی موٹر سائیکل سوار کے ساتھ بیٹھ کر گھر سے ایکسکیویٹر سٹارٹ کرکے سیلابی ریلے کے مقام پر دوبارہ پہنچا اور کوشش کر کے بچوں اور خاتون کو بحفاظت نکال لیا۔

محب اللہ کا کہنا تھا کہ مجھے کوئی خوف نہیں تھا، اللہ نے ہم سب کی مدد کی۔