پنجاب حکومت نے وفاق سے ترقیاتی منصوبوں کی تکمیل کیلئے 30ارب روپے کا صوبائی حصہ مانگ لیا
لاہور (این این آئی)پنجاب حکومت نے وفاق سے ترقیاتی منصوبوں کی تکمیل کے لئے 30ارب روپے کا صوبائی حصہ مانگ لیا۔
ذرائع کے مطابق یہ فنڈز صوبہ میں نئےہسپتالوں کی تعمیر،روڈ سیکٹر سمیت دیگر منصوبوں کیلئے استعمال کئے جائیں گے۔پنجاب میں لاہور سمیت دیگرشہروں میں وفاق کی شراکت سے شروع ہونے والےمنصوبوں کی مالیت50ارب روپے ہے،حکومت کی جانب سے اعلان کردہ منصوبوں کی تکمیل کیلئے وفاق پنجاب حکومت کو فنڈ مہیا کرے گا،وفاق نے پنجاب کو 30ارب روپے کی فنڈنگ کرنا ہے جو نئے سرکاری ہسپتالوں کی تعمیر اور روڈ سیکٹر کے بیشتر منصوبے کیلئے استعمال کی جائے گی۔
