گیس قلت،پنجاب میں سی این جی سٹیشنرز کو گیس فراہمی معطل،خیبرپختونخوا میں 4روز، سندھ میں 2دن کیلئے سپلائی بند

 اسلام آباد(مانیٹرنگ ڈیسک) پنجاب بھر کے سی این جی اسٹیشنوں کو غیر معینہ مدت کیلئے گیس کی فراہمی معطل کر د ی گئی ہے جبکہ پشاور سمیت خیبر پختونخوا کے سی این جی اسٹیشنوں پر اگلے چار روز کیلئے سی این جی کی سپلائی بند ہے۔سوئی سدرن نے بھی گیس کی قلت کے باعث سندھ میں سی این جی اسٹیشنو ں کیلئے نیا شیڈول جاری کردیا، آج اور پیرکو سی این جی اسٹیشن بند رہیں گے،دوسری طرف سوئی ناردن کو 50 ملین مکعب فٹ گیس دیے جانے کے بعد کراچی میں گیس کی قلت میں اضافہ ہوگیا۔سردی کے موسم میں گیس کی بندش نے شہریوں کو پریشان، کھانا پکانا اور پانی گرم کرنا محال ہوگیا۔بل بھرپور ارہے ہیں لیکن گیس نہیں آرہی، کھارادر کی خواتین کو روز ایک نیا کام آن پڑا کہ سلنڈر میں گیس بھروانے جائیں۔ خو ا تین گھروں میں گیس آمد کی امید میں بار بار ماچس کی تیلیاں جلا رہی ہیں جبکہ کم آمدن طبقہ پہلے ہی مہنگائی تلے روند دیا گیا ہے اور اب دوپہر کے کھانے میں چند پکوڑوں سے گزارا کررہا ہے۔چند مجبور پر انے کراچی والے لکڑیوں سے گزارا کرنا شروع ہو گئے ہیں اور کہتے ہیں کہ قریب محلے میں گیس ہے یہاں نہیں لہٰذا یہ گیس قلت کیساتھ بد انتظامی کا بھی معا ملہ ہے۔ اس کے علاوہ سردی بڑھتے ہی ملک میں گیس کا بحران پیدا ہوگیا ہے۔لاہورسمیت پنجاب کے مختلف شہروں میں گیس پریشرمیں کمی، چو لہوں میں گیس کم،خواتین کیلئے محنت زیادہ، عوام کا کہنا ہے مہنگائی سے پہلے ہی مشکل تھی، سلنڈرکے اخراجات بھی بڑ ھ گئے۔
سی این جی سٹیشن