حالت بہتری کی طرف گامزن،آپس کی تلخیاں کم ہوئی ہیں، فواد

اسلام آباد(آئی این پی) وفاقی وزیر سائنس و ٹیکنالوجی فواد چودھری نے ملکی سیاسی حالات بہتر ہونے کی پیشگوئی کر دی۔ ہفتہ کو نجی ٹی وی سے گفتگو کرتے ہوئے کہا کہ تلخیاں کم ہوئی ہیں، حالت بہتری کی طرف جا رہے ہیں۔انہوں نے کہا کہ پیپلزپارٹی نے خالی نشستوں پر ضمنی انتخاب کیلئے درخواست دی اور کہا کہ سینیٹ الیکشن سے پہلے الیکٹورل کالج پورا ہونا چاہیے۔ان کا کہنا تھا کہ ن لیگ والے اسمبلی کو جعلی کہتے ہیں لیکن اقتدار کیلئے بیتاب ہیں۔ اس وقت اپوزیشن کے پاس کوئی حکمت عملی نہیں۔اس موقع پر مسلم لیگ ن کے محمد زبیر نے کہا کہ مسلم لیگ ن اسمبلیوں سے استعفوں کیلئے متحد ہے، پی ڈی ایم میں اختلاف رائے ہو سکتا ہے۔پاکستان پیپلز پارٹی کے رہنما قمر زمان کائرہ نے کہا کہ ضمنی الیکشن کرانے کیخلاف نہیں، حکومت کو چاہیے پورے ملک میں انتخابات کرا دے۔
فواد چودھری