غزہ کے عوام نے ثابت کر دیا فلسطینی قوم ناقابل شکست ہے: اسماعیل ھنیہ

غزہ کے عوام نے ثابت کر دیا فلسطینی قوم ناقابل شکست ہے: اسماعیل ھنیہ

  

غزہ (اے این این)اسلامی تحریک مزاحمت حماس کے سیاسی شعبے کے نائب صدر اسماعیل ھنیہ نے کہا ہے کہ غزہ کے عوام نے صہیونی دشمن کی طرف سے مسلط کی گئی تمام جنگجوں بالخصوص 2014 میں مسلط کی گئی جنگ کا پوری بہادری، جرات، عزم، حوصلے اور شاندار طریقے سے مقابلہ کیا۔ اسماعیل ھنیہ نے ان خیالات کا اظہار حماس کے ایک دیرینہ رہنما اور جماعت کے رکن یوسف مہاوش کی نماز جنازہ کے موقع پر خطاب کے دوران کیا۔ سرکردہ فلسطینی عالم الشیخ یوسف مہاوش گذشتہ روز خالق حقیقی سے جا ملے تھے۔اسماعیل ھنیہ نے کہا کہ اسرائیلی دشمن بار بار غزہ کے عوام پر طاقت کا وحشیانہ استعمال کرکے یہاں کے عوام کے حوصلوں اور عزم کو آزماتا ہے۔ مگر ہر بار فلسطینی قوم دشمن کے خلاف پوری بے جگری سے لڑتی اور دشمن کا ہرمحاذ پر پوری جرات اور عزم کے ساتھ مقابلہ کرتی ہے۔ انہوں نے کہا کہ شرمناک شکست صہیون دشمن کا مقدرہے، دشمن کو اندازہ ہوگیا ہے کہ فلسطینی قوم ناقابل شکست ہے۔اس موقع پر خطاب کرتے ہوئے اسماعیل ھنیہ نے جماعت کے دیرینہ ر ہنما الشیخ یوسف مھاوش کے انتقال پر گہرے دکھ کا اظہار کیا اور کہا کہ الشیخ مھاوش کا خلا پرنہیں ہوسکے گا۔ فلسطینی قوم اور حماس ان کی خدمات کو ہمیشہ یاد رکھیں گے۔ نماز جنازہ میں فلسطینی مجلس قانون ساز کے ڈپٹی اسپیکر احمد بحر، حماس کے سیاسی شعبے کے اکان خلیل الحیہ، ڈاکٹر محمود الزھار، روحی مشتھی، ارکان پارلیمنٹ، حماس اور تحریک فتح کی مقامی رہ نماں نے بھی شرکت کی۔نماز جنازہ کے اجتماع سے خطاب کرتے ہوئے انہوں نے کہا کہ آج ہم ایک ایسے عظیم رہ نما سے محروم ہوگئے ہیں جنہوں نے زندگی کے آخری لمحے تک فلسطینی قوم کے مربی اور شفیق رہنما کا کردار ادا کیا۔

انہوں نے فلسطینی قوم کو شجاعت، بہادری، عزم و استقلال کا درس دیا اور خود بھی پوری زندگی ان اخلاقی خوبیوں کا عملی نمونہ رہے۔

مزید :

عالمی منظر -