پاک فوج کی کالعدم عصمت اللہ شاہین ویٹنی گروپ کیخلاف کارروائی،انتہائی مطلوب چار دہشتگرد ہلاک

پاک فوج کی کالعدم عصمت اللہ شاہین ویٹنی گروپ کیخلاف کارروائی،انتہائی مطلوب ...
پاک فوج کی کالعدم عصمت اللہ شاہین ویٹنی گروپ کیخلاف کارروائی،انتہائی مطلوب چار دہشتگرد ہلاک

  

لاہور(ڈیلی پاکستان آن لائن )آئی ایس پی آر نے کہاہے کہ خیبر پختون خواہ کے ضلع ٹانک میں پاک فوج نے انٹیلی جنس معلومات پر تحریک طالبان پاکستان کے عصمت اللہ شاہین ویٹنی گروپ کیخلا ف آپریشن کیا جس دوران کالعدم جماعت کے 4کمانڈرز کو ہلاک کر دیا گیاہے ۔

پاک فوج کے ادارہ تعلقات عامہ (آئی ایس پی آر )کے مطابق ٹانک کے علاقے پنگ ایریا میں عصمت اللہ شاہین ویٹنی گروپ کیخلا ف انٹیلی جنس بنیادوں پر آپریشن کیا گیا جس دوران انتہائی مطلوب چار دہشتگردوں کو ہلاک کر دیاگیاہے، نائب کمانڈر عمر ولد عصمت اللہ شاہین بھی مارا گیا ہے۔مارے جانے والوں میں کمانڈروصی اللہ اورکمانڈرزولام الدین عرف ظلمت بھی شامل ہیں۔آئی ایس پی آر کا کہناتھا کہ دہشتگردگروپ ٹارگٹ کلنگ،بھتااور اغوا برائے تاوان میں ملوث تھا،مارے گئے دہشت گردوں کے قبضے سے اسلحہ اور بارود بھی برآمد کر لیا گیاہے۔آئی ایس پی آر کا کہناتھا کہ عصت اللہ شاہین 2014 میں آپس کی لڑائی میں مارا گیا تھا۔

مزید :

قومی -اہم خبریں -