پاک فوج ٹیموں کو سکیورٹی کے ساتھ ساتھ بلٹ پروف گاڑیاں، بسیں بھی دے گی،آرمی چیف کو شکریہ کا خط لکھ دیا ہے: شہریار خان
لاہور (ڈیلی پاکستان آن لائن )چیئرمین پی سی بی نے کہا ہے کہ پاک فوج ٹیموں کو سکیورٹی کے ساتھ ساتھ بلٹ پروف گاڑیاں اور بسیں بھی دے رہی ہے جس کیلئے میں نے آرمی چیف کو شکریہ کا خط بھی لکھا دیا ہے ۔
اے آر وائے نیوز سے گفتگو کرتے ہوئے پاکستان کرکٹ بورڈ کے چیئرمین شہریارخان کا کہناتھا کہ لاہور میں پی سی ایل کا فائنل میچ ہونا بہت ہی اچھی بات ہے ،ہم چاہتے ہیں آئندہ سال میچ کراچی میں کھیلاجائے جبکہ میں کراچی کا رہنے والا اور اسی ناطے سے میں کراچی کنگز کو سپورٹ کرتا رہوں گا اور کراچی کنگز کی جیت کیلئے پر امید ہوں ۔