’بھارتی یوسین بلٹ‘ کا ریکارڈ بھی ٹوٹ گیا، ایک اور تیز رفتار ترین شخص سامنے آگیا،یہ کون ہے اور سپیڈ کتنی ہے؟ جانئے

’بھارتی یوسین بلٹ‘ کا ریکارڈ بھی ٹوٹ گیا، ایک اور تیز رفتار ترین شخص سامنے ...
’بھارتی یوسین بلٹ‘ کا ریکارڈ بھی ٹوٹ گیا، ایک اور تیز رفتار ترین شخص سامنے آگیا،یہ کون ہے اور سپیڈ کتنی ہے؟ جانئے

  



نئی دہلی(ڈیلی پاکستان آن لائن)بھینسوں کے ساتھ کیچڑ میں دوڑنے کے مقابلے( کمبالا) میں انتہائی تیز رفتاری دکھانے والے بھارتی شہری سری نیواسا گودانے سوشل میڈیا پر دھوم مچائی ہوئی ہے۔ کیچڑ میں بھینسوں کے ساتھ100میٹر کا فاصلہ 9اعشاریہ 55سیکنڈزمیں طے کرکے جہاں دنیا کو حیران کیا وہیں لوگ اسے بھارتی یوسین بلٹ بھی کہنے لگے۔ لیکن بات یہیں پر ختم نہیں ہوتی بلکہ ایک اورکمبالا رنرنشانت شیٹھی نے نیواسا گوداکا بھی ریکارڈ توڑ دیا ہے اور سو میٹر کا فاصلہ 9اعشاریہ51سیکنڈزمیں طے کر کے نئے ’بھارتی یوسین بلٹ ‘ بن گئے ہیں۔

رپورٹ کے مطابق ایلیٹ کلب کی جانب سے منعقد ہونے والی اس ریس میں جو چار تیز ترین شخصیات سامنے آئیں ان میں ارواتھورآنند (9اعشاریہ57سیکنڈز)، اکیری سوریش(9اعشاریہ57سیکنڈز)،سری نیواس گودا(9اعشاریہ55سیکنڈز)میں جبکہ نشاط سیٹھی ( 9اعشاریہ 51 سیکنڈز) شامل ہیں۔

یاد رہے سرینیواس نے بھینسوں کودوڑانے کے روایتی کھیل (کمبالا) میں اپنی بھینسوں کے تیز ترین دوڑنے کا ریکارڈ قائم کیا تھا جس کے بعد انہیں یوسین بولٹ سے تشبیہہ دی جانے لگی اور بھارتی حکام نے انہیں ٹوکیو اولمپکس کے ٹرائلز کیلئے طلب کرلیا۔

یوسین بولٹ نے 100 میٹر کی ریس 9.58 سیکنڈ میں مکمل کرکے ورلڈ ریکارڈ قائم کیا تھا جبکہ سرینیواس نے 142.5 میٹر کی دوڑ 13.62 سیکنڈز میں مکمل کی۔ اس حساب سے انہوں نے 100 میٹر کی دوڑ 9.55 سیکنڈز میں مکمل کی۔

سرینیواس کو اس کارکردگی پر سوشل میڈیا پر خوب پذیرائی ملی اور بھارتی وزارت کھیل نے انہیں ٹریک اینڈ فیلڈ ایونٹ میں ٹرائل کیلئے طلب کرلیا تاکہ ممکن ہوتو انہیں اولمپکس میں بھی بھیجا جاسکے۔

لیکن 28 سالہ سرینیواس نے شکریہ کے ساتھ یہ پیشکش مسترد کردی۔ ان کا کہنا ہے کہ میں بھارت کے اسپورٹس اتھارٹی کے ٹرائل میں شریک نہیں ہوں گا کیوں کہ میں کمبالا میں زیادہ نام کمانا چاہتا ہوں۔

مزید : کھیل