لاہور ہائیکورٹ نے عمران خا ن کے خلاف عدلیہ مخالف تقریر کرنے پر توہین عدالت کی درخواست پر فیصلہ سنا دیا

لاہور ہائیکورٹ نے عمران خا ن کے خلاف عدلیہ مخالف تقریر کرنے پر توہین عدالت کی ...
لاہور ہائیکورٹ نے عمران خا ن کے خلاف عدلیہ مخالف تقریر کرنے پر توہین عدالت کی درخواست پر فیصلہ سنا دیا

  



لاہور(ڈیلی پاکستان آن لائن ) لاہور ہائیکورٹ نے وزیراعظم عمران خان کے خلاف عدلیہ مخالف تقاریر کرنے پر توہین عدالت کی درخواست مسترد کردی ہے ۔

تفصیلات کے مطابق لاہور ہائی کورٹ کے چیف جسٹس مامون رشید شیخ نے وزیر اعظم عمران خان کے خلاف توہین عدالت کی درخواست پر اعتراض ختم کرنے اور اسے قابل سماعت قرار دینے سے متعلق کیس کی سماعت کی۔ عدالت نے رجسٹرار آفس کا اعتراض برقرار رکھتے ہوئے درخواست مسترد کردی۔واضح رہے کہ ایڈووکیٹ محمد فیضان نصیر چوہان اور طاہر مقصود بٹ نے لاہور ہائیکورٹ میں درخواست دائر کی تھی جس میں موقف اختیار کیا گیا تھا کہ وزیراعظم نے 18 نومبر2019 کی تقریر میں اعلیٰ عدلیہ کو متنازعہ بنانے کی کوشش کی۔ عمران خان کی مذکورہ تقریر توہین عدالت کے زمرے میں آتی ہے۔ اس لئے عدالت سے قانون کے تقاضے پورے کرتے ہوئے کارروائی عمل میں لائی جائے۔ رجسٹرار آفس نے درخواست کو مصدقہ نقول لف نہ کرنے کا اعتراض کیا تھا۔

مزید : قومی