جمعیت علما اسلام نے یزیدی حکومت کیخلاف حق کی آوا ز بلند کی: عبد الغفور حیدری 

 کوئٹہ/چمن (آن لائن)جمعیت علما اسلام پاکستان کے مرکزی جنرل سیکرٹری مولانا عبدالغفور حیدری سے جمعیت علما اسلام کے رہنما مولانا مفتی محمد قاسم حقانی مولانا محمد طاہر توحیدی حاجی محمد قاسم خان خلجی مولانا عبدالمالک ودیگر ملنے والے وفد سے گفتگو کرتے ہوئے کہا کہ حکومت کے ہزاروں دنوں میں عوام کی محرومیوں مایوسیوں اور مصیبتوں میں اضافہ ہواپہلے وزیراعظم نے کہا کہ مجھے سو دن دے دیں پھر کہا چھ ماہ دے دیں پھر کہا ایک سال دے دیں اب وزیراعظم کا یہ بیان کہ تبدیلی کیلئے پانچ سال ناکافی ہیں یہ ان کی ناکامی اور منفی تبدیلی کا اعتراف ہے، ہرروز یہ حکومت عوام کو کرنٹ لگاتی ہے اور ان کی چیخیں نکال رہی ہے پیٹرولیم مصنوعات بجلی گیس کی قیمتوں میں ایک بار پھر اضافہ کر دیا گیا ہے جس کے ذریعے غریب عوام کی جیب سے مزید 86ارب روپے نچوڑنے کا پروگرام ہے یہ صریحا جرم اور معاشی دہشت گردی ہے،عوام غربت اور مہنگائی کی چکی میں پسی جارہی ہے حکومت کوعوام اور عوام کے مسائل کے حل میں دلچسپی نہیں ایک کروڑ نوکریاں دینے والوں نے برسرروزگارملازمین کو نان شبینہ کا محتاج بنایاجمعیت علما اسلام حکمرانوں کی چالوں کو ناکام کرینگے جمعیت علما اسلام نے یزیدی حکومت کیخلاف حق کی آواز بلند کی ہے قوم پی ڈی ایم کے شانہ بشانہ کھڑی ہیں۔
عبد الغفور حیدری