کراچی چڑیا گھر میں ایک اور ہرن ہلاک
کراچی (مانیٹرنگ ڈیسک) شہرقائد کے چڑیا گھر میں پر اسرار طور پر ہرنوں کی ہلاکتوں کا سلسلہ جاری ہے اور اتوار کو بھی ایک ہرن ہلاک ہو گیا جس کے بعد اس ماہ میں سردی اور انفیکشن سے ہلاک ہرنوں کی تعداد12 ہوگئی۔جیونیوز کے مطابق کراچی چڑیا گھر میں پر اسرار طور پر چھ یورپی نسل ،پا نچ پاکستانی نسل اور ایک کالا ہرن ہلاک ہوا جبکہ متعدد ہرنوں کی حالت تشویش ناک ہے۔ڈائر یکٹر کراچی چڑیا گھر بشیر سدوزئی کے مطابق ہرنوں کی ہلاکت کی وجہ جاننے کے لیے چار ر±کنی تحقیقاتی ٹیم قائم کردی گئی ہے جبکہ خون کے نمو نوں کی رپورٹ بھی تاحال منظر عام پر نہیں آسکی ۔
