کرنٹ خسارے میں کمئی کیلئے کوشاقں ہیں ، رواں سال ریکارڈ بر آمدات کا ہدف حاصل کرلینگے : مشیر تجارت

کرنٹ خسارے میں کمئی کیلئے کوشاقں ہیں ، رواں سال ریکارڈ بر آمدات کا ہدف حاصل ...

کراچی(مانیٹرنگ ڈیسک)وزیراعظم کے مشیر برائے تجارت عبدالرزاق داؤد نے امید ظاہر کی ہے کہ اس سال ملکی تاریخ کی ریکارڈ برآمدات کا ہدف حاصل کرلیں گے۔کراچی میں ایک کانفرنس سے خطاب کرتے ہوئے عبدالرزاق داؤد نے کہا کہ نامساعد حالات کے باوجود ملکی معیشت درست سمت کی جانب گامزن ہے، کرنٹ اکاؤنٹ خسارہ ایک چیلنج ہے، جسے کم کرنے کیلئے ہنگامی اقدامات کیے جارہے ہیں۔ساتھ ہی انہوں نے بتایا کہ دسمبر 2017 ء کے مقابلے میں 2018 ء بہتر رہا، رواں سال 27 ارب ڈالر کی برآمدات کرلیں گے۔مشیر تجارت نے اعتراف کیا کہ ان کی توجہ دیگر شعبوں پر زیادہ رہی اور وہ خوردنی تیل پر توجہ مرکوز نہیں کرسکے، تاہم ان کا کہنا تھا کہ وہ خوردنی تیل کی صنعت کو بہت آگے لے کر جائیں گے اور کسانوں کو خوردنی تیل کی پیداوار میں مدد سے زر مبادلہ بچے گا۔عبدالرزاق داؤد نے بتایا کہ کارگل کمپنی نے پاکستان میں کروڑوں ڈالرز کی سرمایہ کاری میں دلچسپی ظاہر کی ہے۔مشیر تجارت نے کہا کہ پاکستان کی ایکسپورٹ تیزی سے بڑھائیں گے جبکہ چاول اور چینی کی ایکسپورٹ کیلئے چین سے 1 ارب ڈالر کی مارکیٹ حاصل کرلی ہے۔

عبدالرزاق داؤد

مزید : صفحہ آخر