راولپنڈی،گھر میں آتشزدگی سے 2خواتین اور 13سالہ لڑکا جاں بحق

راولپنڈی،گھر میں آتشزدگی سے 2خواتین اور 13سالہ لڑکا جاں بحق

راولپنڈی (این این آئی)راولپنڈی کے علاقے ڈھوک چوہدریاں میں ایک گھر میں آتشزدگی کے نتیجے میں 3 افراد جاں بحق ہوگئے ہیں۔ریسکیو ذرائع کے مطابق ریسکیو 1122 اور فائر بریگیڈ کو صبح سوا 6 بجے ڈھوک چوہدریاں میں واقع چکلالہ اسکیم تھری کے ایک گھر میں آتشزدگی کی اطلاع دی گئی، تاہم جب ریسکیو ٹیمیں جائے وقوع پر پہنچیں تو وہاں 3 افراد کی لاشیں موجود تھیں۔لاشوں کو ڈی ایچ کیوہسپتال راولپنڈی منتقل کردیا گیا ہے، پولیس ذرائع کے مطابق جاں بحق ہونے والے افراد میں 2 خواتین اور 13 سالہ لڑکا شامل ہے۔لاشوں کو ڈسٹرکٹ ہیڈکوارٹرز (ڈی ایچ کیو) اسپتال راولپنڈی منتقل کردیا گیا۔پولیس کے مطابق ابتدائی تفتیش میں معلوم ہوا ہے کہ گھر میں آگ گیس لیکج سے لگی۔واضح رہے کہ حالیہ دنوں میں راولپنڈی میں گیس لیکج سے ہلاکتوں کے متعدد واقعات سامنے آئے ہیں۔رواں ماہ کی 15 تاریخ کو بھی راولپنڈی میں شادی والے گھر میں آگ لگنے سے دلہن سمیت 5 خواتین جاں بحق ہوگئی تھیں۔ ابتدائی تحقیقات کے مطابق گھر میں آگ گیس کا کمپریسر پھٹنے سے لگی تھی۔

راولپنڈی، آتشزدگی

مزید : صفحہ آخر