پاکستان میں مصری فلم کی اردو ڈبنگ کے ساتھ ریلیز

پاکستان میں مصری فلم کی اردو ڈبنگ کے ساتھ ریلیز

  

کراچی(پ ر) اے بی اے پرائیویٹ لمیٹڈنے بطور تقسیم کار تجسس اور پل پل بدلتے حالات کی عکاسی کرتی فلم 122اردو ڈبنگ کے ساتھ اسپیشل شو کے ذریعے ایک مقامی ملٹائی پلیکس سینما میں ریلیز کر دی۔فلم کی باقعدہ نمائش 18 جنوری سے مل بھر کے سنیما گھروں میں ہورہی ہے۔شرکاء میں مقامی شوبز ستارے، میڈیا نمائندگان اور زندگی کے مختلف شعبوں سے تعلق رکھنے والے افراد موجود تھے۔سب ہی نے بین القوامی فنکاروں کی بے مثال اداکاری اور ذہنوں کے اپنی گرفت میں کر لینے والے شاندار پلا ٹ اور اسٹوری لائن کی دل کھول کر تعریف کی۔ فلم مہم جوئی، حیرت انگیز مناظر، ایکشن اور ابدی محبت سے جڑے جزبات کا مجموعہ ہے۔ کہانی ایک ایسے جوڑے کے گرد گھوم رہی ہے جو بدقسمتی سے ایک حادثے کا شکار ہوجاتے ہیں اور مدد کی جستجو میں مزید پریشانیوں اور خطرات کا شکار ہوتے چلے جاتے ہیں۔ ان کا واحد مقصد اس بھیانک رات سے بچ کر نکلنا اور زندہ سلامت رہنا ہے۔ تقریب سے گفتگو کرتے ہوئے اے بی اے ایسوسئیٹس کے سی ای او علی چوہدری نے کہا "میں بطور معاون اور تقسیم کار عربی فلموں کے لئے ہماری مارکیٹ میں پہلا دروازہ کھولتے ہوئے انتہائی خوشی محسوس کر رہا ہوں کیونکہ ایسی فلمیں ہمارے معاشرے اور روایات سے مماثلت رکھتی ہیں ۔ مجھے پوری امید ہے کہ یہ صرف ایک ایسی شروعات ہے کہ جس کے زریعے آگے چل کر دونوں اطراف فوائد حاصل ہونگے۔122 کو جس طرح شاندار پزیرائی ملی ہے وہ میرے لئے بلاشبہ ایک جزباتی لمحہ ہے"۔خداداد فنکارانہ صلاحیتوں سے مالامال 122 کی کاسٹ میں طارق لطفی، احمد داود، آمنہ خلیل، احمد الفشاوی، محمد لطفی، جہان خلیل، محمد ممدوح اور دیگر کئی شامل ہیں۔ فلم کی ہدایات یاسر الیسیری کی ہیں جبکہ پیشکش سیف اُریبی کی جانب سے دی گئیں ہیں۔ اسی طرح کہانی صلاح الغنائی کی لکھی ہوئی ہے، ڈی او پی احمد قردوس، ایڈیٹر امر عاکف اور لائن پروڈیوسر محمد نصر ہیں۔

مزید :

راولپنڈی صفحہ آخر -