ہمیں منفردموضوعات پر فلمیں بنانی چاہئیں:حمائمہ ملک

ہمیں منفردموضوعات پر فلمیں بنانی چاہئیں:حمائمہ ملک
 ہمیں منفردموضوعات پر فلمیں بنانی چاہئیں:حمائمہ ملک

  


لاہور(فلم رپورٹر) بین الاقوامی شہرت یافتہ اداکارہ وماڈ ل حمائمہ ملک نے کہا کہ بطوراداکارہ میں کچھ انٹرنیشنل پراجیکٹس بھی کرچکی ہوں۔ جہاں پرفلمسازی کے شعبے میں خاصی بہتری اورترقی آچکی ہے۔ ایسے میں وہاں صرف کثیرسرمائے سے فلمیں بنانے کی بجائے ایسے موضوعات کوترجیح دی جاتی ہے، جس کے ذریعے فلم بینوں کو انٹرٹین کرنے کے ساتھ ساتھ ایک اہم پیغام بھی دیا جائے، جس کی بدولت لوگوں کی زندگی میں سدھارآسکے۔انہوں نے کہا کہ میں چاہتی ہوں کہ پاکستان میں کام کرنے والے نوجوان فلم میکراپنے کام کو بہترکرنے کے ساتھ ایسی کہانیوں پرکام کریں، جوشائقین کے چہروں پرمسکراہٹ لانے کے علاوہ انہیں کوئی مثبت پیغام بھی دے۔ حمائمہ ملک نے کہا ہے کہ پاکستانی فلموں کے معیارمیں تبدیلی سے انٹرنیشنل مارکیٹ تک رسائی اب آسان ہورہی ہے۔حمائمہ ملک نے کہا کہ ہالی ووڈ اوربالی ووڈ میں جہاں کثیرسرماے سے فلمیں بنائی جاتی ہیں، وہیں کم بجٹ میں بھی بہت سی فلمیں پروڈیوس ہوتی ہیں۔ اگراسی انداز کواپنا کرپاکستان میں فلمیں پروڈیوس کرنے والے نوجوان تھوڑی توجہ اورمحنت سے کام کریں توحالات میں سدھارآئے گا۔اداکارہ نے کہا کہ اس وقت ہمارے ہاں اچھی اورمعیاری فلمیں بنانے کا رجحان زور پکڑ چکا ہے۔ منفردموضوعات کے انتخاب سے فلمسازی کے عمل میں بہتری آئی ہے اورخوش آئند بات یہ بھی ہے کہ اب کثیرسرمائے سے فلمسازی بھی ہونے لگی ہے۔ لیکن میں اس معاملے میں ذرا ہٹ کرسوچتی ہوں۔

مزید : کلچر