شریف فیملی سنہ 2000سے ایون فیلڈ اپارٹمنٹ کی مالک ہے : اسد عمر
اسلام آباد (ڈیلی پاکستان آن لائن )وفاقی وزیر منصوبہ بندی اسد عمر نے کہا ہے کہ ثابت ہوچکا کہ شریف فیملی سنہ2000سے ایون فیلڈ اپارٹمنٹ کی مالک ہے۔مائیکرو بلاگنگ ویب سائٹ ٹوئٹر پر انہوں نے کہا کہ براڈ شیٹ معاملے پر برطانوی عدالت کے فیصلے کا حوالہ دیا۔انہوں نے کہا کہ یہ واضح ہوگیا کہ نواز شریف نے پارلیمنٹ، سپریم کورٹ اور عوام سے جھوٹ بولا تھا۔وفاقی وزیر نے مزید کہا کہ یہ صفحہ حکومت پاکستان کا لکھا ہوا نہیں، نا ہی یہ نیب کا لکھا ہے، یہ انگلینڈ کے جج کا لکھا ہوا ہے۔
With the broadsheet award details now public in which it is stated clearly by the arbitrator that sharif family owned the avenfield apartments as far back as 2000 at least, it is conclusively established that nawaz sharif lied to the Parliament, the Supreme court & the nation
— Asad Umar (@Asad_Umar) January 19, 2021
ان کا کہنا تھا کہ انگلینڈ کے جج نے فیصلے میں صاف الفاظ میں کہا ہے کہ شریف خاندان کی چھپائی ہوئی دولت جس میں لندن کے ایون فیلڈ فلیٹ شامل ہیں۔اسد عمر نے یہ بھی کہا کہ ایون فیلڈ اپارٹمنٹ کی ملکیت ڈھونڈنے کا معاوضہ 20 اعشاریہ 5 ملین ڈالر بنتا ہے، جس کا حقدار براڈشیٹ ہے۔انہوں نے کہاکہ 100 ملین ڈالر یعنی 16 ارب روپے کی شریف خاندان کی چھپائی ہوئی دولت ڈھونڈنے پر یہ 20 ملین معاوضہ ملا۔وفاقی وزیر نے کہا کہ معاہدے کے مطابق 80 فیصد پاکستان اور 20 فیصد براڈشیٹ کو حصہ ملنا تھا۔انہوں نے کہا کہ 100 ملین ڈالر پاکستان کے عوام سے لوٹا اور اوپر 20 ملین ڈالر کا ہرجانہ کیونکہ شریف حکومت نے اثاثے واپس نہیں کیے۔
