کورونا پھیلاؤ،بھارت میں بین الاقوامی پروازوں پر پابندی میں توسیع

کورونا پھیلاؤ،بھارت میں بین الاقوامی پروازوں پر پابندی میں توسیع

  

نئی دہلی (آئی این پی)دنیا بھر میں کورونا کی صورت حال کے پیش نظر بھارت نے بین الالقوامی پروازوں پر پابندیوں میں توسیع کردی ہیں۔بھارتی سول ایوی ایشن کے ڈائریکٹر جنرل کی جانب سے جاری نوٹی فکیشن کے مطابق ملک بھر میں 28 فروری تک تمام شیڈولڈ غیر ملکی مسافر پروازیں معطل رہیں گی۔واضح رہے کہ بھارتی حکومت نے اس سے قبل 31 جنوری تک غیر ملکی مسافر پروازوں پر پابندی لگائی تھی۔دوسری جانب بھارت میں ایک روز میں 2 لاکھ 89 ہزار سے افراد کورونا کا شکار ہوئے ہیں جب کہ ایک دن میں 441 افراد اس وبا کے ہاتھوں لقمہ اجل بنے ہیں۔بھارتی حکام کے مطابق گزشتہ روز ملک بھر میں کورونا مثبت کیسز کی شرح 15 فیصد سے زائد رہی ہے۔اس وقت بھارت میں کورونا کے فعال مریضوں کی تعداد 18 لاکھ 31 ہزار سے زائد ہے۔بھارت میں 15 سے 18 سال کے نوجوانوں کی ویکسینیشن کی جارہی ہے۔گزشتہ روز بھارت کے وزیر مملکت برائے صحت من سْکھ منداویا نے اپنی ٹویٹ میں دعویٰ کیا تھا کہ ملک میں 15 سے 18 سال کی عمر کے 50 فیصد بچے ویکسین کی پہلی خوراک لگواچکے ہیں۔بھارتی حکام کا کہنا ہے کہ ملک میں کورونا مثبت کیسز کی شرح بتدریج کم ہورہی ہے لیکن ایسے مریضوں کی تعداد بڑھ رہی ہے جن کی حالت تشویشناک ہے۔

پابندی توسیع

مزید :

صفحہ اول -