پولیس افسروں کو ایس ایچ او بننے کیلئے کیا کرنا لازمی ہو گا ؟ حکومت نے قوانین میں تبدیلی کا فیصلہ کر لیا 

پولیس افسروں کو ایس ایچ او بننے کیلئے کیا کرنا لازمی ہو گا ؟ حکومت نے قوانین ...
پولیس افسروں کو ایس ایچ او بننے کیلئے کیا کرنا لازمی ہو گا ؟ حکومت نے قوانین میں تبدیلی کا فیصلہ کر لیا 

  

 اسلام آباد (ڈیلی پاکستان آن لائن )وفاقی حکومت نے فوجداری قوانین میں بڑے پیمانے پر تبدیلیوں کا فیصلہ کر لیا ہے اور اس حوالے سے وزیراعظم عمران خان نے منظوری بھی دیدی ہے ۔

نجی ٹی وی جیونیوز کے مطابق قوانین میں تبدیلیوں کے بعد اب ایس ایچ او بننے کے لیے بی اے کی ڈگری لازم ہوگی جبکہ 9 ماہ میں مقدمات کا فیصلہ ضروری کرنا ہوگا اور اگر نہ ہوا تو متعلقہ جج ہائی کورٹ کے سامنے جواب دہ ہوں گے۔ اس کے علاوہ ملک بھر کے تھانوں کو سٹیشنری، ٹرانسپورٹ اور ضروری اخراجات کے لیے سرکار سے خرچہ ملے گا جبکہ عام جرائم کی سزا 5 سال سے کم کر کے 6 ماہ تک کر دی جائے گی۔

وزیر قانون فروغ نسیم نے 600 سے زائد نکات پر بریفینگ دیتے ہوئے بتایا کہ قتل، زیادتی، دہشت گردی، غداری اور سنگین مقدمات میں پلی بارگین نہیں ہو سکے گی۔اس کے علاوہ قوانین میں تبدیلیوں کے بعد موبائل فوٹیج،تصاویر، آواز کی ریکارڈنگ اور ماڈرن ڈیوائسز کو بطور شہادت تسلیم کیا جا سکے گا۔یہ ترامیم آئندہ ہفتے منظوری کے لیے کابینہ میں جبکہ امکان ہے کہ بدھ کو پارلیمنٹ میں پیش کیا جائے گا۔

مزید :

قومی -