" پچیس جولائی کو بلوچ عوام اپنے گھروں سے نکل کر  صوبے کی ترقی پر مہر لگائیں " میر ظہور بلیدئی 

" پچیس جولائی کو بلوچ عوام اپنے گھروں سے نکل کر  صوبے کی ترقی پر مہر لگائیں " ...

  

پسنی (ظریف بلوچ) بلوچستان عوامی پارٹی کے صوبائی نائب صدر اور سابق صوبائی وزیر جی ڈی اے،بلیدہ،دشت اور پیدارک سے صوبائی اسمبلی کے امیدوار میر ظہور بلیدئی  نے پسنی  میں  شادی کور ، زہریں کہور ، کڑکی بازار ، سندھی پسو اور دیگر دیہی علاقوں سے آنے والے عمائدین سے ملاقات کی ۔ اس موقع پر انہوں نے کہا کہ بلوچستان عوامی پارٹی بلوچستان میں خوشحالی اور ترقی لانے والی جماعت ہے ۔ ہمارا مشن خوشحال بلوچستان ہے ۔ انہوں نے کہا ہم دعویٰ کرنے کے بجائے کام کرنے پر یقین رکھتے ہیں ۔ الزام تراشی کی سیاست کے قائل نہیں ۔ انہوں نے کہا کامیابی کے بعد پہلی ترجیح تعلیم ، صحت اور بنیادی سہولتوں کی فراہمی ہے ۔   انہوں نے سیٹھ گنج بخش عثمان کے ہاوٴس میں اپنے سینکڑوں حمایتیوں سے خطاب کرتے ہوئے کہا   کہ پچیس جولائی کو عوام اپنے گھروں سے نکل کر بلوچستان عوامی پارٹی کے امیدواروں کو ووٹ کاسٹ کریں ۔ اس موقع پر سیٹھ گنج بخش ، سیٹھ حاصل کولواہی ، گل خان بلوچ ، انور حسین ، کہدہ لطیف ، سیٹھ شبیر احمد اور دیگر موجود تھے ۔

 

مزید : علاقائی /بلوچستان /پسنی