پی سی بی ڈومیسٹک کرکٹ میں اداروں کا کردار بحال کرے: سعید اجمل

        پی سی بی ڈومیسٹک کرکٹ میں اداروں کا کردار بحال کرے: سعید اجمل

  

لاہور(سپورٹس رپورٹر) سابق ٹیسٹ کرکٹر سعید اجمل نے کہا ہے کہ سلیکٹرز فرسٹ الیون کے ساتھ سیکنڈ الیون میں کارکردگی دکھانے والے کھلاڑیوں پر بھی توجہ دیں ماضی میں پی سی بی میں تبدیلیاں تو بہت ہو چکی اب عملی طور پر اقدامات کرنے کا وقت ہے انہوں نے کہا کہ ڈومیسٹک کھلاڑیوں کے معاوضوں میں اضافے سے کھلاڑیوں کے مسائل حل کرنے میں مدد ملے گی۔ سابق آف اسپنر کا کہنا تھا کہ ماضی میں بھی ڈومیسٹک کرکٹ کی بہتری کے لیے بہت دعوے کیے گئے، اب نیشنل ہائی پرفارمنس سینٹر میں تبدیلیوں کے مثبت نتائج سامنے آنے چاہئیں، ماضی میں بھی تبدیلیاں کی گئیں مگر مثبت نتائخ نہیں آسکے۔سعید اجمل نے کہا کہ ندیم خان، ثقلین مشتاق اور گرانٹ بریڈ برن تجربہ کار ہیں، بہتر انداز میں کام کرسکتے ہیں، ڈومیسٹک کرکٹ کے اہل دو سوکھلاڑیوں کو بھی وقفے وقفے سے پولز میں تقسیم کرکے خصوصی کیمپس لگانے کا اہتمام ہونا چاہیے۔ ان کی فٹنس اور،سکل میں بہتری پر کام کریں۔

سعید اجمل نے سلیکٹرز سے کہا ہے کہ فرسٹ الیون کے ساتھ سیکنڈ الیون میں کارکردگی دکھانے والے کھلاڑیوں پر بھی توجہ دینا ہوگی۔ڈومیسٹک کھلاڑیوں کے معاوضوں میں اضافے سے کھلاڑیوں کے مسائل حل کرنے میں مدد ملے گی۔پی سی بی کوڈومیسٹک کرکٹ میں اداروں کا کردار بحال کرنا چاہئے۔ اداروں کوکسی ایک فارمیٹ میں ہی کھیلنے کا موقع دیں کھلاڑیوں کا روز گار بحال ہو گا۔

مزید :

کھیل اور کھلاڑی -