بھارت تنگ نظر ملک، سلامتی کونسل میں شمولت سے ادارہ مفلوج ہو جائیگا: پاکستان

  بھارت تنگ نظر ملک، سلامتی کونسل میں شمولت سے ادارہ مفلوج ہو جائیگا: ...

  

اسلا م آباد(این این آئی) پاکستان نے ایک بار پھر مسئلہ کشمیر کو اقوام متحدہ کے فورم پر اٹھاتے ہوئے کہا ہے کہ اقوام متحدہ اور کثیرالجہتی تصور کو بالادستی، جبر اور طاقت کے وحشیانہ استعما ل سے تباہ کردیا گیا ہے۔کشمیرمیڈیاسروس کے مطابق پاکستانی وزیر خارجہ شاہ محمود قریشی نے ”کورونا وائرس کے بعد کثیرالجہتی“کے عنوان سے اقوام متحدہ کی اقتصادی اور سماجی کونسل کے ایک اعلیٰ سطح کے اجلاس سے خطاب کرتے ہوئے کہا کہ ہمیں 75 ویں سالگرہ کے موقع پر کس قسم کے اقوام متحدہ کی ضرورت ہے؟۔انہوں نے سلامتی کونسل کی مستقل رکنیت میں توسیع کی بھی مخالفت کی۔شاہ محمود قریشی نے کہا کہ پاکستان خاص طور پر مقبوضہ کشمیر کے عوام پر بھارتی فورسز کی ظلم و زیادتیوں سے پریشان ہے۔ سلامتی کونسل میں ان تنگ نظرممالک کو شامل کرکے اس کو دوبارہ متحرک نہیں کیا جا سکتا جو اقتدار،استحقاق اور سلامتی کونسل میں اضافی مستقل رکنیت کے متلاشی ہیں۔ اس سے ادارے کا مفلوج پن ختم نہیں بلکہ مزید پیچیدہ ہوجائے گا۔ اقوام متحدہ کی زیرقیادت عالمی نظام میں سب سے چھوٹی اور درمیانے درجے کی ریاستیں جو در حقیقت سب سے زیادہ داؤ پر لگی ہیں، بین الاقوامی امن و سلامتی کے لئے ایک منصفانہ اور موثر ڈھانچے کو فروغ دینے میں معاون ثابت ہوسکتی ہیں۔انہوں نے کہاکہ اقوام متحدہ کی معاشی اور سماجی کونسل (ای سی او ایس او سی) نے بحران کے وقت اور طویل مدتی پائیدار ترقی کے تسلسل کے سلسلے میں عالمی یکجہتی اور کثیرالجہتی تجدید پر عالمی رہنماؤں کے درمیان اعلی سطح کی گفتگو کی میزبانی کی ہے۔

پاکستان

مزید :

صفحہ اول -