وسیم اکرم نے سویرے اٹھنے کا عہد پورا کر دیا
کراچی(آئی این پی)پاکستان کرکٹ ٹیم کے سابق فاسٹ باولر وسیم اکرم نے صبح سویرے اٹھنے کا عہد پورا کر دیا، جس کی ویڈیو انہوں نے سوشل میڈیا پر جاری کی ہے۔سماجی رابطے کی ویب سائٹ ٹوئٹر پر سابق فاسٹ باولر وسیم اکرم نے ایک ویڈیو شیئر کی ہے جس میں انہوں نے کہا کہ سب کو صبح بخیر اور اسلام و علیکم ، آج بہت مشکل سے اٹھا ہوں کیونکہ ایک تو میری عمر 54سال ہے اور آج صبح ایسا لگ رہا تھا جیسے کسی نے مجھے بوری میں بند کرکے ڈنڈوں سے مارا ہے۔
Morning and Salam everyone have a blessed day #NorthWales #morningruns #BePositive #happydays pic.twitter.com/PHUt5u8Gag
— Wasim Akram (@wasimakramlive) July 20, 2020
وسیم اکرم نے مزید کہا کہ لیکن میں نے الارم لگایا تھا اور ایک عہد کیا تھا کہ مجھے صبح جلدی اٹھنا ہے تو میں اٹھ گیا۔سابق فاسٹ باولر وسیم اکرم نے اپنے موبائل کا کیمرا گھماتے ہوئے کہا کہ یہ نظارا آپ لوگوں کے لیے اور امید ہے کہ ہماری نوجوان نسل اس سے متاثر ہوگی۔ٹوئٹر پر شیئر کردہ اپنی ویڈیو میں انہوں نے کہا کہ جب میں 54 سال کا ہوکر یہ کرسکتا ہوں تو یقینا آپ بھی ایسا کرسکتے ہیں۔
اس کے علاوہ انہوں نے اپنی اہلیہ شنیرا اکرم کو یاد کرتے ہوئے مزید کہا کہ اکیلے آنا مشکل ہے، شنیرا کو بہت یاد کرتاہوں ، وہ چھوٹی بیٹی عائلہ کے ساتھ گھر پر ہیں کیونکہ اس کے ساتھ نکلنا تھوڑا مشکل ہے۔وسیم اکرم کی یہ ویڈیو برطانیہ کے ملک نارتھ ویلز کی ہے جہاں وہ آج کل اپنی اہلیہ شنیرا اکرم اور بیٹی عائلہ کے بغیر گئے ہوئے ہیں۔