بہاولپور (ڈیلی پاکستان آن لائن) ای خدامت مرکز کے نام پر جنوبی پنجاب میں کروڑوں کا فراڈ کرنے والا ملزم دو سال سے پولیس گرفت سے باہر،متاثرہ شہری دفاتر کے چکر لگا کر تھک گئے۔
جنوبی پنجاب ای خدمت مراکز کے نام پرشہریوں سے فراڈ کرنے والا ملزم عدنان ظفر دو سال بعد بھی قانون کی گرفت سے باہر،متاثرین احتجاج کرنے پر مجبور،کروڑوں کا فراڈ کرنے والے ملزم کے خلاف تاحال کوئی کارروائی نہ ہوسکی۔
بہاولپور کے رہائشی عدنان ظفر کو چند سال قبل ای خدمت مراکز کا ہیڈ بنایا گیا جس کے بعد ملزم نے شہریوں سے ای خدمت مراکز کے لیے رینٹ پر گاڑیاں حاصل کیں اور بعد ازاں انکو جعلسازی سے فروخت کردیا،جس پر ملزم کے خلاف تھانہ سول لائنز بہاولپور میں 14 گاڑیوں کے فراڈ کا مقدمہ درج ہوا۔
اس کے علاوہ بھی ملزم کے خلاف مقدمات درج ہیں مگر دو سال گزرنے کے باوجود مقدمہ مدعیوں اور متاثرین کو ان کی رقم یا گاڑیاں واپس نہ مل سکی ہیں۔متاثرین نے وزیراعلی پنجاب اور آئی جی پنجاب سے واقعہ کا نوٹس لیکر انصاف فراہم کرنے کی اپیل کی ہے۔