جیو انٹرٹینمنٹ اور اے آر وائی نیوز کے لائسنس معطل، ایک ایک کروڑ روپے جرمانہ عائد

جیو انٹرٹینمنٹ اور اے آر وائی نیوز کے لائسنس معطل، ایک ایک کروڑ روپے جرمانہ ...
 جیو انٹرٹینمنٹ اور اے آر وائی نیوز کے لائسنس معطل، ایک ایک کروڑ روپے جرمانہ عائد

  

اسلام آباد (مانیٹرنگ ڈیسک) پاکستان الیکٹرانک میڈیا ریگولیٹری اتھارٹی (پیمرا) نے جیو انٹرٹینمنٹ اور اے آر وائی نیوز کے لائسنس معطل اور ایک ایک کروڑ روپے جرمانہ عائد کر دیا ہے۔ تفصیلات کے مطابق پیمرا نے اپنے فیصلے میں بتایا ہے کہ جیو انٹرٹینمنٹ کے پروگرام اٹھو جاگو پاکستان میں اہل بیت کے متعلق گستاخانہ مواد نشر کرنے جبکہ اے آر وائی پر عدلیہ مخالف پروگرام نشر کرنے پردونوں ٹی وی چینلز کے لائسنس منسوخ کئے گئے ہیں۔ فیصلے کے مطابق جیو انٹرٹینمنٹ کا لائسنس 30 دن جبکہ اے آر وائی نیوز کا لائسنس 15 دن کیلئے معطل کیا گیا ہے اور دونوں چینلز کو ایک ایک کروڑ روپے جرمانہ بھی کیا گیا ہے۔ فیصلے کے مطابق جیو انٹرٹینمنٹ کے پروگرام اٹھو جاگو پاکستان جبکہ اے آر وائی نیوز کے پروگرام کھرا سچ اور اس کے میزبان مبشر لقمان دونوں پر پابندی لگائی گئی ہے۔

مزید :

قومی -اہم خبریں -