کھلاڑی اپنے اپنے آبائی علاقوں میں پہنچ گئے ،سرفراز نے موقع موقع گا کرپاکستانی شائقین کو خوش کیا،فخر زمان نے بھی نو بال پر آوٹ ہونے کے حوالے سے اپنے جذبات کا اظہار کردیا

کھلاڑی اپنے اپنے آبائی علاقوں میں پہنچ گئے ،سرفراز نے موقع موقع گا ...
 کھلاڑی اپنے اپنے آبائی علاقوں میں پہنچ گئے ،سرفراز نے موقع موقع گا کرپاکستانی شائقین کو خوش کیا،فخر زمان نے بھی نو بال پر آوٹ ہونے کے حوالے سے اپنے جذبات کا اظہار کردیا

  


 اسلام آباد (ڈیلی پاکستان آن لائن )چمپینز ٹرافی اپنے نام کرنے والے پاکستانی کھلاڑی اپنے اپنے آبائی علاقوں میں پہنچ گئے جبکہ کچھ کھلاڑیوں نے لندن میں ہی قیام کیا ہے ۔میڈ یا رپورٹس کے مطابق قومی ٹیم کے کپتان سرفراز احمد اور رومان رئیس کراچی ائیر پورٹ پہنچے جہاں گورنر سندھ محمد زبیر نے ان کا استقبال کیا۔اس موقع پر سرفراز احمد نے مداحوں کے اصرار موقع موقع گانا بھی گا یا جس سن کر حاضرین میں مزید جوش و ولولہ پیدا ہو گیا ۔

ویڈ یو دیکھئے 

ویڈ یو دیکھئے

حسن علی ،بابر اعظم ،احمد شہزاد ،حسن علی اورفہیم اشرف لاہور ائیر پورٹ پہنچے تولوگوں نے پھول برسا کر ان کاوالہانہ استقبال کیا ۔عماد وسیم اور شاداب خان بے نظیر انٹر نیشنل ائیر پورٹ پہنچے تو لو گوں نے ان کا بھی شاندار استقبال کیا ۔

ویڈ یو دیکھئے

اس موقع پر میڈ یا سے گفتگو کرتے ہوئے عماد وسیم نے کہا کہ ہم ایک ٹیم بن کر کھیلے اور کامیابی حاصل کی ۔فخر پاکستان پشاور کے باچا خان ائیر پورٹ پہنچے جہاں پر لوگوں نے ان کا شاندار استقبال کیا اور اس موقع پر پاکستان زندہ باد کے نعرے بھی لگائے ۔

مزید خبریں :آئی سی سی نے چیمپئنز ٹرافی ٹیم کا اعلان کر دیا ، سرفراز احمد کپتان ہونگے، ویرات کوہلی بھی ٹیم میں شامل

فخر ز مان پشاور ائیر پورٹ سے جب اپنے آبائی علاقے مردان میں کاٹلنگ اپنی رہائش گاہ پر پہنچے تو اہل علاقہ اور اہل محلہ نے ان کا والہانہ استقبال کیا ۔گھر پہنچ کر میڈ یا نے فخر زمان سے گفتگو کی اس موقع پر ایک سوال کے جواب میں فخر زمان نے کہا کہ ڈومیسٹک کرکٹ میں میری کار کردگی فائنل میچوں میں بہت اچھی رہی ہے ،جب بھارت کے خلاف تین سکور پر کیچ ہوا تو میں باہر جا رہا تھا ،اس وقت بہت برا لگ رہا تھا لیکن جب ایمپائر نے روکااور ایمپائر نے نو بال دی تو بہت خوشی ہوئی اور اس کے بعد سوچ لیا تھا کہ جارحانہ کھیل کھیلنا ہے ،ہر میچ سے قبل والدین سے دعائیں لیتا تھا۔انہوں نے کہا کہ بھارت کے کھلاڑیوں نے کھیل میں اچھی سپرٹ دکھائی لیکن ہماری ٹیم نے فائنل میں بہت اچھے کھیل کا مظاہرہ کیا ۔

دوسری جانب پی سی بی کا کہنا ہے کہ محمد عامر ،جنید خان ،شعیب ملک اور اظہر علی لندن میں ہی رکے ہوئے ہیں۔

مزید : کھیل /اہم خبریں


loading...