ہمارے جیل جانے سے عمران خان کو نقصان ہوگا فائدہ نہیں،کیپٹن(ر) صفدر

ہمارے جیل جانے سے عمران خان کو نقصان ہوگا فائدہ نہیں،کیپٹن(ر) صفدر

اسلام آباد(این این آئی)پاکستان مسلم لیگ (ن) کے رہنما کیپٹن (ر) صفدر نے کہاہے کہ عمران خان اگر دوسری بار بھی پیدا ہوں تو وہ حکومت نہیں بناسکتے ،ہمارے جیل جانے سے انہیں نقصان ہی ہوگا فائدہ نہیں۔ میڈیا سے بات کرتے ہوئے کیپٹن (ر) صفدر نے کہاکہ نوازشریف ملک کے لئے سیسہ پلائی دیوار بن کر کھڑے ہیں، ہمیں عدالتوں سے سزا ہو یا جزا، ہم اس کا سامنا کریں گے مگرعمران خان عدالتوں کو ہدایات جاری نہ کریں، ہمارے جیل جانے سے عمران خان کو کوئی فائدہ نہیں ہوگا بلکہ الٹا نقصان ہی ہوگا اور وہ اگر دوسرا جنم بھی لے کر آ جائیں تو بھی حکومت نہیں بناسکتے۔کیپٹن (ر) صفدر نے کہا کہ مائیں سب کی سانجھی ہوتی ہیں اس وقت ہماری والدہ کو قوم کی دعاؤں کی ضرورت ہے، زندگی میں آزمائش بھی آتی ہے لیکن اللہ پاک حوصلہ بھی دیتا ہے، اس وقت نوازشریف سمیت پورا خاندان پریشانی میں ہے لیکن پھربھی وطن واپس آئیں گے ٗپرویز مشرف نے بھی نوازشریف کو جلا وطن کیا تھا لیکن وہ اپنے ملک واپس آئے۔

کیپٹن (ر) صفدر

مزید : صفحہ آخر


loading...