امیر قطر کا پاکستان آمد کاشیڈول تبدیل

امیر قطر کا پاکستان آمد کاشیڈول تبدیل
امیر قطر کا پاکستان آمد کاشیڈول تبدیل

  


اسلام آباد(ڈیلی پاکستان آن لائن)امیر قطر شیخ تمیم بن حمد الثانی کے پاکستان آمد کے شیڈول میں تبدیلی ہو گئی ،امیر قطر اتوار کی بجائے ہفتے کی شام کو پاکستان پہنچیں گے، وزیراعظم عمران خان امیر قطر کا استقبال کریں گے

میڈیا رپورٹس کے مطابق امیر قطر شیخ تمیم بن حمد الثانی کا پاکستان آمد کا شیڈول تبدیل ہو گیا،امیر قطر ہفتے کی شام پاکستان پہنچیں گے،امیر قطر کا نتھیا گلی جانے کا پروگرام بھی منسوخ کردیا،امیر قطر کا پاکستان آمد پر وزیراعظم عمران خان استقبال کریں گے ،شیخ تمیم بن حمد الثانی ایئر پورٹس سے وزیراعظم ہاﺅس جائیں گے جہاں شاہی مہمان کو وزیراعظم ہاﺅس میں گارڈ آف آنر پیش کیا جائے گا۔

قطر کے امیر وزیراعظم سے ون آن ون کے بعد وفود کی سطح پر مذاکرات ہوں گے ،پاکستان اورقطر کے درمیان مفاہمت کی مختلف یادداشتوں پر دستخط کئے جائیں گے ،وزیراعظم عمران خان مہمانوں کے اعزازمیں عشائیہ دیں گے ،قطرکے امیر  کی اتوار کی سرمایہ کاری کانفرنس میں شرکت متوقع ہے  ،امیر قطر صدرمملکت ڈاکٹر عارف علوی سے ملاقات کریں گے ،صدر مملکت شاہی مہمان کو اعلیٰ ترین اعزاز اور ظہرانہ دیں گے ۔

مزید : اہم خبریں /قومی /علاقائی /اسلام آباد